ປະທານາທິບໍດີສີລັງກາ ໂກຕາບາຢາ ຣາສປັກສາ ຍື່ນຈົດໝາຍລາອອກຕໍ່ລັດຖະສະພາ ຜ່ານທາງອີເມວ ຫຼັງຈາກທີ່ໄດ້ເດີນທາງອອກນອກປະເທດ.
ຈາກກໍລະນີ ວິກິດເສດຖະກິດໃນປະເທດສີລັງກາ ປະຊາຊົນປະເຊີນກັບບັນຫາໄຟຟ້າດັບ ສິນຄ້າຂາດແຄນ ແລະ ລາຄາທີ່ເພີ່ມສູງຂຶ້ນ ລວມເຖິງການຂາດແຄນນ້ຳມັນ ຈົນເກີດການປະທ້ວງຄັ້ງໃຫຍ່ ຈາກປະຊາຊົນທີ່ບໍ່ພໍໃຈການບໍລິການທີ່ຜິດພາດຂອງຜູ້ນຳ, ເຮັດໃຫ້ປະທານາທິບໍດີລັງກາ ໂກຕາບາຢາ ຣາສປັກສາ ໄດ້ເດີນທາງອອກໄປຍັງມັລດີຟ ແລະ ສິງກະໂປ ໂດຍທີ່ຍັງບໍ່ທັນລາອອກເປັນທາງການ.
ໃນວັນທີ 14 ກໍລະກົດ ມີລາຍງານວ່າ ໂກຕາບາຢາ ໄດ້ຍື່ນຈົດໝາຍລາອອກລັດຖະສະພາ ຜ່ານທາງອີເມວແລ້ວ.
ທາງການທີ່ໄດ້ຮັບອີເມວແຈ້ງລາອອກແລ້ວ ແຕ່ກຳລັງກວດສອບວ່າເປັນຈົດໝາຍລາອອກຂອງໂກຕາບາຢາ ແທບໍ.
ຈົດໝາຍຕ້ອງຖືກກວດສອບໃຫ້ຖືກຕ້ອງຕາມກົດໝາຍ ເມື່ອໄດ້ກວດສອບຄວາມຖືກຕ້ອງຂອງຈົດໝາຍ ເມື່ອໄດ້ຮັບຄຳຢືນຢັນຢ່າງເປັນທາງການ ຈະມີການຖະແຫຼງຕື່ມໃນວັນສຸກ ທີ 15 ນີ້.
ແຫຼ່ງຂ່າວຈາກ CNN