spot_img
Homeຄວາມງາມ5 ສັນຍານບົ່ງບອກ ກຳລັງຂາດຄາໂບໄຮເດດ

5 ສັນຍານບົ່ງບອກ ກຳລັງຂາດຄາໂບໄຮເດດ

Published on

ธัญพืช (Small)

ພົບ 5 ສັນ​ຍານ ​ສຸຂະພາບ​ທີ່​ສົ່ງ​ສັນ​ຍານ​ບອກ​​ວ່າ ຮ່າງກາຍ​​ກຳ​ລັງ​ຕ້ອງ​ການ​

ຄາ​ໂບ​ໄຮ​ເດ​ດ​ເພີ່ມ​ຂຶ້ນ

ຫລາຍໆຄົນ ມັກ​ຈະ​ມັກ​ຄິດວ່າ ​ຄາ​ໂບ​ໄຮ​ເດ​ດ​ເປັນ​ສິ່ງ​ທີ່​ຄວນ​ກິນນ້ອຍ​ໆ ເພາະ​ເມື່ອ​ ຄາ​ໂບ​ໄຮ​ເດ​ດ ​ຖືກ​ຍ່ອຍ​ແລ້ວ​ຈະ​ກາຍ​ໄປ​ເປັນ​ນ້ຳ​ຕານ ແລະ ​ໄປ​ສະ​ສົມ​ເຮັດໃຫ້​ຕຸ້ຍໆແຕ່​ແທ້ໆ ແລ້ວ​​ຄາ​ໂບ​ໄຮ​ເດ​ດ​ ນີ້​ກໍ​ສຳຄັນ​ຕໍ່​ຮ່າງກາຍ​ເຊັ່ນ​ດຽວ​ກັນ ການ​ກິນ​ຄາ​ໂບ​ໄຮ​ເດ​ດ​ ບໍ່​ພຽງ​ພໍ​ຈະ​ສົ່ງ​ຜົນ​ເຖິງ​ສຸຂະພາບ​ຮ່າງກາຍນໍາ​ອີກ​ ເຊັ່ນ ​ເກີດ​ອາການ​ຫລົງໆ ລືມໆ ຫລື ​ບໍ່​ຄ່ອຍ​ມີ​ແຮງ ເປັນ​ຕົ້ນ ແຕ່​ເຮົາ​ຈະ​ຮູ້​ໄດ້​ແບບໃດ​ວ່າ ​ຮ່າງກາຍ​ຂອງ​ເຮົາ​ກຳ​ລັງ​ຂາດ​ຄາລ​ໂບ​ໄຮ​ເດດ ມື້​ນີ້​ເລີຍ​ນຳ​ຕົວ​ຢ່າງ​ຂອງ​ສັນ​ຍານ​ເບື້ອງ​ຕົ້ນ​ຂອງ​ການ​ ຂາດ​ຄາ​ໂບ​ໄຮ​ເດ​ດ ​ມາ​ຝາກ​ກັນ​

  1. ລົມ​ຫາຍ​ໃຈ​ມີ​ກິ່ນ​ເໝັ່ນ

ກິ່ນ​ປາກ ເປັນ​ສິ່ງ​ທີ່​ບໍ່​ຄ່ອຍ​ມີ​ໃຜ​ຢາ​ກລົມນໍາ​ເທົ່າໃດ ແຕ່​ຮູ້​ຫລື​ບໍ່​ວ່າ ​​ກິ່ນ​ປາກ​ນີ້​ກໍ​ເປັນ​ສັນ​ຍານ​ຂອງ​ຮ່າງກາຍ​ທີ່​ກຳ​ລັງ​ບອກ​ວ່າ ​ຄວນ​ທີ່​ຈະກິນ​ຄາ​ໂບ​ໄຮ​ເດ​ດ​ ໃຫ້​ຫລາຍ​ຂຶ້ນ ເຖິງແມ່ນວ່າ ​ຈະ​ກຳ​ລັງ​ຢູ່ໃນໄລຍະ​ຫລຸດ​ນ້ຳ​ໜັກ​ກໍ​ຕາມ ເພາະ​ເມື່ອ​ຮ່າງກາຍ​ຂອງ​ເຮົາ​ເຜົາ​ຜານ​ໄຂ​ມັນ​ແທນ​ການ​ເຜົາ​ຜານ ​ຄາ​ໂບ​ໄຮ​ເດດ ເຊິ່ງ​ຂະ​ບວນ​ການ​ນີ້​ເອີ້ນ​ວ່າ ພາ​ວະ​ຄີ​ໂຕຊີດ  (Ketosis) ຈະ​ປ່ອຍ​ສານ​ເຄ​ມີ​ທີ່​ຊື່​ວ່າ   ຄີ​ໂຕນ  (Ketones) ອອກ​ມາ ໂດຍ​ສານ​ເຄ​ມີ​ຊະນິດ​ນີ້​ມີ​ກິ່ນ​ທີ່​ບໍ່​ຄ່ອຍ​ໜ້າ​ຊື່ນ​ຊົມ​ເທົ່າໃດ ແລະ​ ກິ່ນ​ຂອງ​​ສານ​ເຄ​ມີ​ຊະນິດ​ນີ້​ຈະ​ອອກ​ມາ​ປົນ​ກັບ​ລົມ​ຫາຍ​ໃຈ ເຮັດໃຫ້​ລົມ​ຫາຍ​ໃຈ​ມີ​ກິ່ນ​ເໝັນ ຈົນ​ເຮັດໃຫ້​ຫລາຍໆ ຄົນ​ຄິດວ່າ ​ເປັນ​ສາ​ເຫດ​ມາ​ຈາກ​ບັນຫາ​ໃນ​ຊ່ອງ​ປາກ ຈົນ​ຕ້ອງ​ໄປ​ພົບ​ທັນ​ຕະ​ແພດ ທັງ​ໆ ທີ່​ແທ້​ແລ້ວ​ມັນ​ບໍ່​ໄດ້​ກ່ຽວ​ຂ້ອງ​ກັນ​ເລີຍ ດັ່ງ​ນັ້ນ​ຖ້າ​ບໍ່​ຢາກ​ມີ​ກິ່ນ​ປາກ​ກໍ​ຄວນກິນຄາໂບ​ໄຮ​ເດ​ດ​ໃຫ້​ພຽງ​ພໍ​

  1. ກ້າມ​ຊີ້ນບໍ່​ຂຶ້ນ ແມ່ນ​​ຈະ​ອອກ​ກຳ​ລັງ​ກາຍ

ເມື່ອ​ຮ່າງກາຍ​ໄດ້ຮັບ​ຄາ​ໂບ​ໄຮ​ເດ​ດ​ບໍ່​ພຽງ​ພໍ ຮ່າງກາຍ​ກໍ​ຈະ​ຫັນ​ໄປ​ໃຊ້​ໂປ​ຕີນ​ທີ່​ຈຳ​ເປັນ​ໃນ​ລະບົບ​ກ້າມ​ຊີ້ນ​ແທນ ໂດຍ​ສະເພາະ​ໂປ​ຕີນ​ທີ່​ໃຊ້​ໃນ​ການສ້າງ​ເສີມ​ກ້າມ​ຊີ້ນ ເຮັດໃຫ້​ເຖິງແມ່ນວ່າ ​​ຈະ​ອອກ​ກຳ​ລັງ​ກາຍ​ເພື່ອ​ເສີມ​ສ້າງ​ກ້າມ​ຊີ້ນ​ພຽງ​ໃດ ກ້າມ​ຊີ້ນ​ກໍ​ຈະ​ບໍ່​ສາມາດ​ພັດທະນາ​ໄດ້​ເຕັມ​ທີ່​ເພາະ​ບໍ່​ມີ​ໂປ​ຕີນ​ທີ່​ໃຊ້​ໃນ​ການ​ເສີມ​ສ້າງ​ກ້າມ​ຊີ້ນ ສະ​ນັ້ນ​ຫາກ​ໃຜ​ທີ່​ກຳ​ລັງ​ຢູ່ໃນ​ໄລຍະສ້າງ​ກ້າມ​ຊີ້ນ​ ຄວນ​ຈະ​ຮັບປະທານ​ຄາ​ໂບ​ໄຮ​ເດ​ດ ​ແລະ ​ໂປ​ຕີນ​ຄວບຄູ່​ກັນ​ໄປ

  1. ຮູ້ສຶກ​ຫລົງໆ ລືມໆ

ເຊັ່ນ​ດຽວ​ກັບ​ຮ່າງກາຍ ສະຫມອງ​ກໍ​ຈຳ​ເປັນ​ຈະ​ຕ້ອງ​ໃຊ້​ນ້ຳ​ຕານ​ເປັນ​ພະລັງ​ງານ​ເຊັ່ນ​ດຽວ​ກັນ ເຊິ່ງ​ນ້ຳ​ຕານ​ທີ່​ນຳ​ມາ​ໃຊ້​ນັ້ນ​ກໍ​ມາ​ຈາກ​ການ​ທີ່​ ຄາ​ໂບ​ໄຮ​ເດ​ດ ​ຖືກ​ຍ່ອຍ​ກາຍ​ເປັນ ​ກູ​ໂຄດ ແລະ​ ການ​ທີ່​ສະຫມອງ​ຂອງ​ເຮົາ​ບໍ່​ໄດ້ຮັບ​ກູ​ໂຄດ​ຢ່າງ​ພຽງ​ພໍ​ກໍ​ເຮັດໃຫ້​ສະຫມອງ​ເຮັດວຽກ​ໄດ້​ບໍ່​ເຕັມ​ປະ​ສິດ​ທິ​ພາບ​ສົ່ງ​ຜົນ​ເຮັດໃຫ້​ເກີດ​ອາການ​ຫລົງໆ ລືມໆໄດ້ ໂດຍ​ມີ​ການສຶກສາ​ພົບ​ວ່າ ​ຜູ້ຍິງ​ທີ່ຫ​ລຸດ​ນ້ຳ​ໜັກ​ດ້ວຍ​ການ​ຫລຸດ​ການ​ກິນ​ຄາ​ໂບ​ໄຮ​ເດ​ດ​ຈະ​ໄດ້​ຄະ​ແນນ​ໃນ​ບົດ​ທົດສອບ​ຄວາມ​ຈື່ຈຳ​ບໍ່ດີ​ກວ່າ ຜູ້ຍິງ​ທີ່​ກິນ​ອາຫານ​ແຄ​ລໍ​ລີ​ຕ່ຳ ​ແຕ່​ມີ​ສານ​ອາຫານ​ທີ່​ພຽງ​ພໍ ຖ້າ​ບໍ່​ຢາກ​ຫລົງໆ ລືມໆ ກໍ​ຄວນ​ຈະ​ກິນຄາໂບ​ໄຮ​ເດ​ດ​ໃຫ້​ພຽງ​ພໍ​

  1. ອາລົມ​ປັ່ນປ່ວນ

ການ​ກິນ​ຄາ​ໂບ​ໄຮ​ເດ​ດ​ໜ້ອຍ​ເກີນ​ໄປ ​ຈົນ​ບໍ່​ພຽງ​ພໍ​ກັບ​ຮ່າງກາຍ​ຈະ​ເຮັດໃຫ້​ເກີດ​ອາການ​ຫງຸດ​ຫງິດ ເກີດ​ຄວາມ​ຄຽດ ແລະ​ ອາການ​ເມື່ອຍ​ລ້າ​ໄດ້​ຫລາຍ​ຂຶ້ນ ເພາະ​ຄາ​ໂບ​ໄຮ​ເດ​ດ​ ນັ້ນ​ເປັນ​ສານ​ອາຫານ​ທີ່​ມີ​ຄວາມ​ສຳຄັນ​ຕໍ່​ການ​ຜະລິດ​ຂອງ ​ເຊ​ໂລ​ໂທ​ນິນ  (Serotonin) ໃນ​ຮ່າງກາຍ ເຊິ່ງ​ ​ເຊ​ໂລ​ໂທ​ນິນ ​ເປັນ​ສານ​ເຄ​ມີ​ໃນ​ຮ່າງກາຍ​ທີ່​ຊ່ວຍ​ເຮັດໃຫ້​​ອາລົມ​ດີ ໂດຍ​ມີ​ການສຶກສາ​ໃນ​ປີ 2009 ພົບ​ວ່າ ຜູ້​ທີ່​ກິນອາຫານ​ຄາ​ໂບ​ໄຮ​ເດ​ດ​ຕ່ຳ​ ຈະ​ມີ​ອາການ​ຫງຸດ​ຫງິດ​ຢູ່​ຕະຫລອດ​ເວລາ ໃນ​ຂະນະ​ທີ່​ຜູ້​ທີ່​ກິນ​ອາຫານ​ທີ່​ໄຂ​ມັນ​ຕ່ຳ​ຈະ​ມີ​ອາລົມ​ທີ່​ດີ​ກວ່າ

  1. ລະບົບ​ທາງເດີນ​ອາຫານ​ເກີດ​ຄວາມ​ຜິດ​ປົກຕິ

​ເຄີຍ​ສົງ​ໄສ ​ຫລື ​ບໍ່ວ່າ ​ເປັນຫຍັງ​ເວລາ​ທີ່​ກິນ​ຄາ​ໂບ​ໄຮ​ເດ​ດ​ໜ້ອຍ​ແລ້ວ​ ເຖິງ​ທ້ອງຜູກ ນັ້ນ​ກໍ​ເປັນ​ເພາະ​ອາຫານ​ທີ່​ມີ ​ຄາ​ໂບ​ໄຮ​ເດ​ດ​ ນັ້ນ​ມັກ​ຈະ​ມີ​ໄຟ​ເບີ​ຢູ່​ນໍາ ການ​ທີ່​ບໍ່​ກິນຄາໂບ​ໄຮ​ເດ​ດ​ຢ່າງ​ພຽງ​ພໍ​ ຈຶ່ງ​ເຮັດໃຫ້​ຮ່າງກາຍ​ບໍ່​ໄດ້ຮັບ​ໄຟ​ເບີ​ແບບ​ພຽງ​ພໍ​ຈົນ​ເຮັດໃຫ້​ເກີດ​ອາການ​ທ້ອງ​ຜູກ ດັ່ງ​ນັ້ນ​ຖ້າ​ຫາກ​ເປັນ​ຄົນ​ໜຶ່ງ​ທີ່​ກຳ​ລັງ​ຫລຸດ​ຄາໂບ​ໄຮ​ເດ​ດ​ ແລະ ​ມີ​ອາການ​ທ້ອງ​ຜູ​ກ​ກໍ​ລອງ​ຫັນ​ມາ​ກິນຄາ​ໂບ​ໄຮ​ເດ​ດ​ຈຳ​ພວກ​ທັນຍະ​ພືດ ຫລື​ ກິນຜັກ​ໃຫ້​ຫລາຍ​ຂຶ້ນ​ກໍ​ຊ່ວຍຫ​ລຸດ​ອາການ​ທ້ອງ​ຜູກ​ໄດ້​ແລ້ວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...