ໃນວັນທີ 8/7/2022 ອ້າງອີງຈາກ Japantime ໄດ້ລາຍງານວ່າ: ທ່ານ ຊິນໂຊ ອາເບະ ອະດີດນາຍົກລັດຖະມົນຕີຂອງຍີ່ປຸ່ນ ໄດ້ເສຍຊີວິດແລ້ວ ຈາກການຖືກຍິງຈາກທາງດ້ານຫຼັງ, ຫຼັງຈາກເກີດເຫດຖືກຍິງ ໃນລະຫວ່າງການກ່າວຄຳປາໄສ ທີ່ເມືອງ ນາຣາ ປະເທດຍີ່ປຸ່ນ.
ຫຼັງຈາກທີ່ຍິງແລ້ວ ກໍ່ສາມາດຈັບຕົວຜູ້ກະທຳໄດ້ເລີຍ, ໂດຍຜູ້ກໍ່ເຫດນັ້ນໃຊ້ປືນທີ່ປະດິດເອງ ເຂົ້າມາທາງດ້ານຫຼັງຂອງ ທ່ານ ໂຊເບະ ແລ້ວຍິງຈາກທາງດ້ານຫຼັງ, ຫຼັງຈາກທ່ານໂຊເບະໄດ້ລົ້ມລົງ ກໍ່ໄດ້ຟ້າວນຳຕົວສົ່ງໂຮງໝໍທັນທີ. ໃນຂະນະນັ້ນ ທ່ານໂຊເບະ ບໍ່ມີສັນຍານຊີບພະຈອນ ແລະ ຜ່ານມາບໍ່ເທົ່າໃດຊົ່ວໂມງ ລາວກໍ່ໄດ້ເສຍຊີວິດ.
ປະຫວັດ: ທ່ານ ຊິນໂຊ ອາເບະ ເກີດໃນວັນທີ 21 ກັນຍາ 1954 ເປັນນັກການເມືອງຍີ່ປຸ່ນ, ທ່ານເປັນນາຍົກລັດຖະມົນຕີຄົນທີ 57 ຂອງຍີ່ປຸ່ນ ແລະ ເປັນຫົວໜ້າພັກປະຊາທິປະໄຕ ແຕ່ປີ 2012 ຫາ 2020 ແລະ ກ່ອນປີ 2006 ຫາ 2007, ທ່ານຍັງໄດ້ເປັນລັດຖະມົນຕີກະຊວງການຕ່າງປະເທດແຕ່ປີ 2005 ຫາ 2006, ແລ້ວໄດ້ເປັນນາຍົກລັດຖະມົນຕີຍີ່ປຸ່ນທີ່ດຳລົງຕຳແໜ່ງດົນທີ່ສຸດໃນປະຫວັດສາດຂອງຍີ່ປຸ່ນ.
ວັນທີ 28 ສິງຫາ 2020, ທ່ານ ອາເບະ ໄດ້ປະກາດລາອອກຈາກຕຳແໜ່ງນາຍົກລັດຖະມົນຕີ ເນື່ອງຈາກວ່າມີບັນຫາທາງສຸຂະພາບ.