ເຈົ້າໜ້າທີ່ກູ້ໄພຂອງຈີນຢືນຢັນແລ້ວວ່າ ມີຜູ້ເສຍຊີວິດ 12 ຄົນ ຈາກເຮືອກຳປັ່ນບັນທຸກເຄນ ໄດ້ຫຼົ້ມຍ້ອນຄວາມຮຸນແຮງຂອງພາຍຸຊາບາ ທີ່ທະເລຈີນໃຕ້.
ສຳນັກງານຍາມຝັ່ງມົນທົນກວາງຕຸ້ງຂອງຈີນ ໄດ້ລາຍງານວ່າ: ເຈົ້າໜ້າທີ່ພົບຜູ້ເສຍຊີວິດ 12 ຄົນ ເນື່ອງຈາກຈົມນ້ຳ ຫຼັງຈາກທີ່ເຮືອກຳປັ່ນບັນທຸກເຄນ ໄດ້ປະສົບອຸບັດຕິເຫດແຕກເປັນສອງທ່ອນ ແລະ ໄດ້ຫຼົ້ມໃນທະເລຈີນໃຕ້ ເນື່ອງຈາກອິດທະພົນໄຕ້ຝຸ່ນຊາບາ.
ໂດຍຮ່າງຂອງຜູ້ເສຍຊີວິດຢູ່ຫ່າງຈາກຈຸດເກີດເຫດເຮືອ “ຟູ່ຈິ001” ຫຼົ້ມ ຫ່າງອອກໄປປະມານ 90 ກິໂລແມັດ ແລະ ໃນວັນຈັນນີ້ ສາມາດຊ່ວຍເຫຼືອລູກເຮືອໄດ້ 1 ຄົນ, ແຕ່ຜູ້ລອດຊີວິດ 3 ຄົນໄດ້ຮັບການຊ່ວຍເຫຼືອ ໃນວັນເສົາທີ່ຜ່ານມາ.
ຕາມການລາຍງານມີ 30 ຄົນຢູ່ໃນເຮືອດັ່ງກ່າວຕັດສິນໃຈສະລະເຮືອ ແລ້ວລອຍນ້ຳຂອງໂຄງການ ກັງຫັນລົມ ນອກແຄມຝັ່ງ.
ແຫຼ່ງຂ່າວຈາກ ເອພີ