ຄະນະກຳມະການຄ່າແຮງຂັ້ນຕ່ຳຂອງເກົາຫຼີໃຕ້ ມີມະຕິຕົກລົງກັນຂຶ້ນຄ່າແຮງຂັ້ນຕ່ຳ 5% ໃນປີ 2023 ມາເປັນ 9.620 ວອນ ຫຼື ປະມານ 110,000 ກີບ ຕໍ່ຊົ່ວໂມງ.

ການຂຶ້ນຄ່າແຮງຂັ້ນຕ່ຳນີ້ເປັນຄັ້ງທຳອິດ ນັບຕັ້ງແຕ່ທ່ານ ຢຸນ ຊັອກຍອລ ໄດ້ຮັບຕຳແໜ່ງປະທານາທິບໍດີໃນເດືອນພຶດສະພາທີ່ຜ່ານມານີ້.

ຄະນະກຳມະການຄ່າແຮງຂັ້ນຕ່ຳຂອງເກົາຫຼີໃຕ້ ໄດ້ກ່າວວ່າ: ການຂຶ້ນຄ່າແຮງຂັ້ນຕ່ຳນີ້ ມີຜົນກັບແຮງງານຄົນເກົາຫຼີໃຕ້ຫຼາຍເຖິງ 3.4 ລ້ານຄົນ ທີ່ຍັງຮັບຄ່າແຮງຂັ້ນຕ່ຳຢູ່ ແລະ ການພິຈາລະນາຂຶ້ນຄ່າແຮງກໍຄຳນຶງຈາກ ການເຕີບໂຕຂອງເສດຖະກິດ, ອັດຕາເງິນເຟີ້ ແລະ ອັດຕາການວ່າຈ້າງ.

ຢ່າງໃດກໍຕາມການຂຶ້ນຄ່າແຮງຂັ້ນຕ່ຳນີ້ ກໍຍັງຖືວ່າເປັນການຂຶ້ນຄ່າແຮງໃນອັດຕາສ່ວນທີ່ໜ້ອຍ ເມື່ອທຽບກັບສະໄໝທ່ານ ມຸນ ແຈອິນ ປະທານາທິບໍດີຄົນກ່ອນ ທີ່ເຄີຍຂຶ້ນຄ່າແຮງຫຼາຍເຖິງ 16,7% ໃນປີ 2017 ເຊິ່ງເປັນສະໄໝທຳອິດທີ່ດຳລົງຕຳແໜ່ງ ແລະ ຖ້າລວມຕະຫຼອດວາລະ 5 ປີຂອງລາວ ຄ່າແຮງຂັ້ນຕ່ຳຂອງເກົາຫຼີຂຶ້ນໄປເຖິງ 41,6%.

ແຫຼ່ງຂ່າວຈາກ Nikkei Asia