Home​ຂ່າວທ່ອງທ່ຽວຕາດແກ້ງຍຸຍ ສະຖານທີ່ທ່ອງທ່ຽວທີ່ບໍ່ຄວນພາດ

ຕາດແກ້ງຍຸຍ ສະຖານທີ່ທ່ອງທ່ຽວທີ່ບໍ່ຄວນພາດ

Published on

 

ຕົກມາຮອດລະດູແລ້ງແລ້ວ ຖືວ່າເປັນໄລຍະຮາຍຊີຊັນ ຫຼືຖືເປັນລະດູການທ່ອງທ່ຽວທີ່ດີ ເພາະຝົນບໍ່ຕົກ ນ້ຳບໍ່ຫຼາຍ ທາງບໍ່ເປື້ອນ ອາກາດບໍ່ຮ້ອນຫຼາຍ ເໝາະແກ່ການໄປທ່ອງທ່ຽວແທ້ໆ.

ວັງວຽງແມ່ນເມືອງທ່ອງທ່ຽວທຳມະຊາດ ອັນດັບໜຶ່ງຂອງລາວ ຕັ້ງຢູ່ທາງເໜືອຂອງແຂວງວຽງຈັນ ຢູ່ວັງວຽງມີແຫຼ່ງທ່ອງທ່ຽວທຳມະຊາດຫຼວງຫຼາຍ ເປັນຕົ້ນແມ່ນຖ້ຳ, ພູ ແລະແມ່ນ້ຳ. ໃນແຕ່ລະປີ ຈະມີແຂກທັງພາຍໃນແລະຕ່າງປະເທດ ໄປທ່ອງທ່ຽວວັງວຽງເປັນຈຳນວນຫຼວງຫຼາຍ ເພາະມີຫຼາຍກິດຈະກຳການທ່ອງທ່ຽວໄດ້ ບໍ່ວ່າຈະເປັນການທ່ຽວຊົມຖ້ຳ, ການປິນພູຊົມວິວ ແລະການລ່ອງເຮືອຄາຍັກ.

ແຕ່ມື້ນີ້ ຢາກພາທ່ານໄປຊົມນ້ຳຕົກຕາດຍຸຍນຳກັນ ຕາດແຫ່ງນີ້ຕັ້ງຢູ່ບ້ານນາດ້ວງ ເມືອງວັງວຽງ ແຂວງວຽງຈັນ ເດິນທາງຈາກຕົວເມືອງໄປບໍ່ໄກປານໃດ ແຕ່ຕ້ອງຜ່ານຫົນທາງດິນແດງ ແລະໄດ້ຍ່າງຜ່ານຫ້ວຍນ້ຳທີ່ແສນເຍືອກເຢັນ, ທຳມະຊາດອຸດົມສວຍງາມ, ມີໂງ່ນຫິນແລະຕົ້ນໄມ້ໃຫຍ່ ໃຫ້ໄດ້ຊົມ, ພືດພັນທີ່່ຫຼວງຫຼາຍ ປະກອບກັບຮູບພາບຂອງນ້ຳຕົກຕາດ ຄວາມອິດເມື່ອຍໃນການເດິນທາງກໍຈາງຫາຍໄປໂດຍບໍ່ຮູ້ເມື່ອຄີງ.

ຄົງຈະເປັນຍ້ອນຕາດຍຸຍ ເປັນນ້ຳຕົກຕາດທີ່ສູງ ຈຶ່ງເຮັດໃຫ້ນ້ຳທີ່ຕົກລົງມານັ້ນ ປິວເປັນລະອອງ ເຊິ່ງປະຊາຊົນທາງເໜືອຂອງລາວ ຈະເອີ້ນລະອອງນ້ຳທີ່ຕົກລົງມານັ້ນ ວ່າຍຸຍ ເຊັ່ນ ຝົນຍຸຍ ຫຼືຝົນຫຍຸຍ ເປັນຕົ້ນ.

ບໍ່ເວົ້າຫຍັງຫຼາຍລະທ່ານຜູ້ອ່ານ ຢາກໃຫ້ທ່ານຜູ້ອ່ານໄດ້ເດິນທາງໄປ ທ່ຽວຊົມດ້ວຍໂຕເອງຈະດີກວ່າ ຫຼືຖ້າທ່ານໃດມີໂອກາດໄດ້ໄປທ່ຽວວັງວຽງ ຢາກບອກວ່າ ຕາດຍຸຍແມ່ນສະຖານທີ່ທ່ອງທ່ຽວ ທີ່ທ່ານບໍ່ຄວນພາດຢ່າງແນ່ນອນ.

 

541540_624181397694301_2213779325169439522_n

10153859_624181387694302_8628764175088579223_n

325742226

325742469

325748496

325753539

325753548

 

 

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...