ນາຍົກລັດຖະມົນຕີອົດສະຕາລີ ປະກາດໜຸນແນວຄິດຈີນ ຈັດຕັ້ງທະນາຄານອາຊີ ເນັ້ນເຮັດແບບພະຫຸພາຄີ ແລະ
ມີຄວາມໂປ່ງໃສ.
ສຳນັກຂ່າວຕ່າງປະເທດ ລາຍງານໃນວັນທີ 11 ພະຈິກນີ້ວ່າ ທ່ານ ໂທນີ ແອັບບັອດ ນາຍົກລັດຖະມົນຕີອົດສະຕາລີ
ໄດ້ກ່າວຢູ່ໃນກອງປະຊຸມສຸດຍອດຜູ້ນຳອາຊີ – ປາຊີຟິກ ທີ່ນະຄອນຫລວງປັກກິ່ງ ສປ ຈີນ ວ່າ ອົດສະຕາລີພ້ອມທີ່
ຈະໃຫ້ຄວາມຮ່ວມມືໃນການຈັດຕັ້ງທະນາຄານອາຊີ ເຊິ່ງເປັນໂຄງສ້າງພື້ນຖານທາງເສດຖະກິດຂອງພາກພື້ນ ທັງ
ນີ້ໂຄງການດ່ັງກ່າວ ແມ່ນເປັນແນວຄິດລິເລີ່ມທີ່ນຳສະເໜີໂດຍຜູ້ນຳຈີນ ໂດຍທ່ານ ໂທນີ ແອັບບັອດ ໄດ້ກ່າວອີກ
ວ່າ ໂຄງການດັ່ງກ່າວນີ້ ແມ່ນເປັນຜົນດີຕໍ່ການເຕີບໂຕທາງດ້ານເສດຖະກິດຂອງພາກພື້ນ ແລະ ການສ້າງວຽກ
ເຮັດງານທຳໃຫ້ແກ່ຊາວອາຊີ.
ທ່ານນາຍົກລັດຖະມົນຕີອົດສະຕາລີ ຍັງມີເງື່ອນໄຂເນັ້ນອີກວ່າ ໃນໂຄງການດັ່ງກ່າວນີ້ ຈະຕ້ອງມີການດຳເນີນງານ
ແບບພະຫຸພາຄີ (ຫລາຍຝ່າຍ), ມີຄວາມໂ່ປ່ງໃສຢ່າງແທ້ຈິງ ແລະ ຕ້ອງເຮັດໃຫ້ເຫັນຢ່າງຊັດເຈນວ່າ ບໍ່ໄດ້ມີປະເທດ
ໃດປະເທດໜຶ່ງຄວບຄຸມກິດຈະການແຕ່ພຽງຝ່າຍດຽວ.