ເກີດເຫດ ນັກໂທດໜີຕາຍ ຫຼັງຈາກມີຄົນຈູດໄຟເຜົາພາຍໃນເຮືອນຈຳໃນປະເທດໂຄລົມເບຍ ມີຄົນເສຍຊີວິດ 51 ຄົນ ບາດເຈັບຫຼາຍກວ່າ 20 ຄົນ.

ຈາກການລາຍງານຂອງສຳນັກຂ່າວ ເອບີຊີ ໄດ້ລາຍງານວ່າ: ໃນວັນທີ 28 ມິຖຸນາ ເກີດເຫດການທີ່ຮຸນແຮງພາຍໃນເຮືອນຈຳຕູລົວ ຂອງປະເທດໂຄລົມເບຍ, ໂດຍມີນັກໂທດໄດ້ຈູດໄຟເຜົ່າເສື່ອນອນ ເຮັດໃຫ້ເກີດໄຟໄໝ້ຮຸນແຮງ ແລະ ເຫດການມີຄວາມວຸ້ນວາຍ ຍ້ອນນັກໂທດຫຼາຍກວ່າຮ້ອຍຄົນພະຍາຍາມໜີອອກໄປ.

ໃນການກໍ່ເຫດໃນເທື່ອນີຄົນເສຍຊີວິດຢ່າງໜ້ອຍ 51 ຄົນ ແລ້ວຍັງບໍ່ແນ່ວ່າທັງໝົດນີ້ແມ່ນນັກໂທດໝົດບໍ ແລະ ມີຜູ້ບາດເຈັບ 20 ຄົນ ໃນຈຳນວນນີ້ເປັນນັກໂທດ 20 ຄົນ ແລະ ໜ່ວຍງານຮັກສາຄວາມປອດໄພຂອງເຮືອນຈຳ 2 ຄົນ.

ທັ້ງນີ້ ໃນເຮືອນຈຳມີນັກໂທດຢູ່ 1.267 ຄົນ ແລະ ເຂດທີ່ເກີດເຫດມີ 180 ຄົນ ເຮືອນຈຳສ່ວນໃຫຍ່ໃນໂຄລົມເບຍ ຢູ່ໃນສະພາບທີ່ແອອັດຫຼາຍ, ໂດຍເຮືອນຈຳທຸກແຫ່ງໃນທົ່ວປະເທດສາມາດຮອງຮັບນັກໂທດໄດ້ 81.000 ຄົນ ແຕ່ປັດຈຸບັນມີ 97.000 ຄົນ.