ມືປືນໄດ້ບຸກໂຈມຕີຜູ້ຄົນໃນ ຜັບເກ (Gay Bar) ໄດ້ສັງຫານໄປ 2 ຄົນ ແລະ ບາດເຈັບອີກ 21 ຄົນ ຂະນະທີ່ເມືອງກຳລັງສະຫຼອງຂະບວນ Pride ໃນກຸງອອັສໂລ ຈົນເຮັດໃຫ້ງານນີ້ຕ້ອງຖືກຍົກເລີກໄປ.
ການລາຍງານຂອງສຳນັກຂ່າວ ເອບີຊີ ໄດ້ລາຍງານວ່າ ໄດ້ເກີດເຫດສະເທືອນໃຈຂອງກຸ່ມຄົນ LGBTQ ໃນນໍເວ ແລະ ຮູ້ສຶກຜິດຫວັງ ຫຼັງຈາກທີ່ງານເດີນຂະບວນພາເລດເກ ໄດ້ຍົກເລີກ ເພື່ອເປັນການຮັກສາຄວາມປອດໄພ ແລະ ຍົກລະດັບເຕືອນໄພກໍ່ການຮ້ານໃນລະດັບສູງສຸດ ຫຼັງຈາກທີ່ມີເຫດການກາດຍິງ ໂດຍມີເປົ້າໝາຍຄືກຸ່ມຮັກຮ່ວມເພດ ເກີດເຫດພາຍໃນບາເກ ເມືອງອອັສໂລ ເມືອງຫຼວງຂອງປະເທດ ໃນວັນທີ 25 ມິຖຸນາທີ່ຜ່ານມານີ້, ຈົນມີຜູ້ເສຍຊີວິດ 2 ຄົນ ແລະ ບາດເຈັບ 21 ຄົນ ໃນນັ້ນສາຫັດ 10 ຄົນ.
ເຈົ້າໜ້າທີ່ໄດ້ລະບຸວ່າ ຜູ້ຕ້ອງສົງໄສເປັນປະຊາຊົນນໍເວ ອາຍຸ 42 ປີ ເຊື້ອສາຍອີຣ່ານ, ເຊື່ອກັນວ່າເປັນອິດສະລາມີສທີ່ຫົວຮຸນແຮງ ມີປະຫວັດການເປັນຄົນເສຍສຸຂະພາບທາງຈິດ ເປັນທີ່ຮູ້ຈັກໃນໜ່ວຍຂ່າວກອງແຕ່ປີ 2015. ເຊິ່ງຕຳຫຼວດສາມາດຈັບໄດ້ໃນບໍ່ດົນ ຫຼັງຈາກທີ່ເກດເຫດ ໂດຍຍຶດໄດ້ປືນ 2 ກະບອກ ມີປືນອັດຕະໂນມັດ 1 ກະບອກ. ໃນການສັນນິຖານເບື້ອງຕົ້ນ ແມ່ນຍ້ອນ ຄວາມກຽດຊັງ ແຕ່ວ່າຍັງຖ້າຜົນຈາກການສອບສວນອີກເທື່ອໜຶ່ງ.
