ປະທານ ສນຊ ຕ້ອນຮັບການພົບປະຢ້ຽມຢາມ ຂອງຄະນະຜູ້ແທນອົງການຮ່ວມມືສາກົນ ໄຈກາ

0
1046

ໃນວັນທີ 7 ມິຖຸນາ 2022 ນີ້, ທີ່ສູນກາງແນວລາວສ້າງຊາດ ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ ໄດ້ຕ້ອນຮັບການເຂົ້າພົບປະຢ້ຽມຢາມຂອງ ທ່ານ ໂທຊີໂອະ ນາກາເສ ຫົວໜ້າຜູ້ຕາງໜ້າອົງ ການຮ່ວມມືສາກົນ ຍີ່ປຸ່ນ(ໄຈກາ) ປະຈໍາ ສປປ ລາວ ພ້ອມຄະນະ.

ການພົບປະຢ້ຽມຢາມຄັ້ງນີ້ ສອງຝ່າຍໄດ້ປຶກສາຫາລື ແລະ ນຳສະເໜີແນວຄວາມຄິດໃນການຮ່ວມມືວຽກງານຊັ້ນຄົນ, ສະມາຄົມຊາວນາ ເພື່ອເປັນການສົ່ງເສີມການຜະລິດກະສີກໍາ ເປັນທຸລະກິດຂະໜາດນ້ອຍ ເພື່ອພັດ ທະນາຊີວິດການເປັນຢູ່ຂອງປະຊາຊົນໃຫ້ດີຂຶ້ນ.

ໂອກາດນີ້, ທ່ານຫົວໜ້າຜູ້ຕາງໜ້າອົງການຮ່ວມມືສາກົນ ຍີ່ປຸ່ນ ປະຈໍາ ສປປ ລາວ ໄດ້ລາຍງານ ໃຫ້ຊາບວ່າ ໄລຍະຜ່ານມາອົງການໄຈກາ ໄດ້ສົ່ງເສີມດ້ານກະສິກໍາ ຢູ່ແຂວງ ສະຫວັນນະເຂດ ໂດຍໃຫ້ປະຊາຊົນຢືມແນວພັນ ກັບປຸຍ ທີ່ມີດອກເບ້ຍຕໍ່າ ຫລັງຈາກທີ່ເກັບກ່ຽວແລ້ວຈຶ່ງສົ່ງຄືນ ໂດຍແມ່ນແນວລາວສ້າງຊາດແຂວງ ເປັນຜູ້ກະຈາຍແນວພັນໃຫ້ແກ່ປະຊາຊົນ ເຊິ່ງກົນໄກ ແລະ ຮູບແບບການເຮັດທົດລອງໃນໄລຍະຜ່ານມາ ແມ່ນເຮັດໄດ້ດີ ນອກຈາກນີ້, ຍັງໄດ້ທົດລອງ ປູກໝາກກີວີ ຢູ່ແຂວງຊຽງຂວາງ ຕື່ມອີກ.
ຂ່າວ: ສນຊ