ທ່ານ ເຊເລນສກີ ຜູ້ນໍາຂອງຢູເຄຣນເປີດເຜີຍວ່າ ໃນວັນສຸດນີ້ເປັນການຄົບຮອບ 100 ມື້ທີ່ເກີດຄວາມຂັດແຍ່ງກັບຣັດເຊຍ ແລະ ກອງກຳລັງຣັດເຊຍຍຶດຄອງຢູເຄນໄດ້ 20% ແລະ ຍັງໂຈມຕີໃນເຂດພື້ນທີ່ດອນບາສ.
ໃນວັນທີ 2 ມິຖຸນາ 2022 ທ່ານ ເຊເລນສກີ ຜູ້ນຳຢູເຄຣນ ໄດ້ຖະແຫຼງການວ່າ: ກອງທັບຣັດເຊຍສາມາດຍຶດຄອງ ອານາເຂດຂອງຢູເຄຣນໄດ້ປະມານ 20% ແລ້ວ, ໃນຂະນະທີ່ກອງທັບຣັດເຊຍເດີນໜ້າໂຈມຕີເມືອງເຊເວໂລໂດເນສ ເຊິ່ງເປັນເມືອງໃຫຍ່ຂອງຢູເຄນ.
ໄດ້ກ່າວຕື່ມອີກວ່າ: ແນວໃດກໍ່ຕາມ ກອງກຳລັງຢູເຄຣນສາມາດຍຶດຄືນເມືອງ ແລະ ໝູ່ບ້ານຈຳນວນ 20 ແຫ່ງໃນແຄວ້ນເຄີຊອນ ທາງໃຕ້ຂອງປະເທດກັບຄືນມາແລ້ວ ໂດຍກອງກຳລັງຢູເຄນຫວັງຈະຍຶດຄືນອານາເຂດທີ່ໄດ້ເສຍໃຫກັບຣັດເຊຍ ໄປໃນຕອນຕົ້ນຂອງສົງຄາມ ຕ້ອງການເພື່ອເອົາຄືນກັບຣັດເຊຍທີ່ຍຶດຄອງພື້ນທີ່ແຄວ້ນດອນບາສ.
ທາງການຢູເຄຣນເປີດເຜີຍວ່າ ປັດຈຸບັນ ມີເດັກນ້ອຍຊາວຢູເຄຣນ ໄດ້ເສຍຊີວິດຈາກສົງຄາມແລ້ວ 261 ຄົນ ແລະ ບາດເຈັບອີກ 460 ຄົນ ຕ້ອງອົບພະຍົບບ້ານເຮືອນອີກ 200,000 ຄົນ.
ແຫຼ່ງຂ່າວ ເອັນດີທີວີ