Homeຂ່າວພາຍ​ໃນກະຊວງປ້ອງກັນປະເທດ ທົດສອບຍິງລູກສອນໄຟປ້ອງກັນອາກາດ

ກະຊວງປ້ອງກັນປະເທດ ທົດສອບຍິງລູກສອນໄຟປ້ອງກັນອາກາດ

Published on

ໃນວັນທີ 29 ພຶດສະພາ 2022 ທີ່ຜ່ານມານີ້ ກະຊວງປ້ອງກັນປະເທດ ຮ່ວມກັບ ສ. ເບລາຣຸສ ໄດ້ທົດສອບສະມັດຕະພາບຍິງລູກ ສອນໄຟປ້ອງກັນອາກາດ C 125 – 2TM ຢູ່ພາກສະໜາມຕົວຈິງ, ໂດຍການເປັນກຽດ ເຂົ້າຮ່ວມຂອງ ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງ ກັນປະເທດ, ມີສະຫາຍ ພົນຕີ ບາສະຕາເຍນໂກ ວາລະດີເມຍ ປາວະໂລວິດຈ ຮອງຜູ້ອຳນວຍການບໍລິສັດ ແຕຕຣາແອັດ ຮັບຜິດຊອບວຽກງານການຮ່ວມມືເຕັກນິິກການທະຫານ ສ. ເບລາຣຸສ, ມີຄະນະນຳກະຊວງປ້ອງກັນປະເທດ, ຕາງໜ້າບັນດາກົມໃຫຍ່, ຫ້ອງວ່າການກະຊວງ, ຄະນະຮັບຜິດຊອບຊີ້ນຳ, ຄະນະພັກ- ຄະນະບັນຊາກອງພັນໃຫຍ່ 641, 645, ພ້ອມດ້ວຍພາກສ່ວນທີ່ກ່ຽວຂ້ອງ ແລະ ພະນັກງານ-ນັກຮົບເຂົ້າຮ່ວມ.

ສະຫາຍ ພົນຈັດຕະວາ ສົມພອນ ມິດຕະພາບ ຮອງຫົວໜ້າກົມໃຫຍ່ເສນາ ທິ ການກອງທັບ ຫົວໜ້າຄະນະຮັບຜິດຊອບຊີ້ນຳທົດສອບສະມັດຕະພາບຍິງລູກສອນໄຟ ຄັ້ງນີ້ ໄດ້ກ່າວວ່າ: ຜ່ານການເຝິກໄລຍະເວລາ 2 ເດືອນຜ່ານມາ ພະນັກງານວິຊາການກອງພັນໃຫຍ່ປ້ອງກັນອາກາດກອງທັບປະຊາຊົນລາວ ໄດ້ຮຽນຮູ້ເຖິງການນຳໃຊ້ອຸປະກອນເຕັກນິກການທະຫານ ເຊັ່ນ ລູກສອນໄຟປ້ອງກັນອາກາດ ແລະ ສູນບັນຊາເຄື່ອນທີ່, ຍຸດທະວິທີ, ຮູບແບບ ແລະ ບັນດາວິທີການນຳໃຊ້ ລະບົບລູກ ສອນໄຟປ້ອງກັນອາກາດ, ອຸປະກອນສືບຂ່າວ ໃນການສູ້ຮົບຂອງເຫຼົ່າຮົບປ້ອງກັນອາກາດ ເພາະວ່າການຍິງລູກສອນໄຟ ແມ່ນຂັ້ນຕອນທີ່ສຳຄັນທີ່ສຸດໃນການຝຶກແອບ ແລະ ດັບສູນເປົ້າໝາຍ ຢ່າງມີປະສິດທິພາບ.

ໂອກາດດັ່ງກ່າວ ສະຫາຍ ພົນເອກ ຈັນສະໝອນ ຈັນຍາລາດ ຍັງໄດ້ສະແດງຍ້ອງຍໍຊົມເຊີຍຕໍ່ບັນດາສະຫາຍຄະນະຮັບຜິດຊອບຊີ້ນຳ ແລະ ພະນັກງານວິຊາສະເພາະເຕັກນິກ ທີ່ໄດ້ເຂົ້າຮ່ວມການເຝິກແອບໃນຄັ້ງນີ້ ເຊິ່ງໄດ້ຮັບຜົນສຳເລັດເປັນຢ່າງດີ ໃນເວລາປະຕິບັດຍິງເປົ້າໝາຍຕົວຈິງ ແລະ ສາມາດຮັບປະກັນດັບສູນເປົ້າໝາຍໄດ້ຢ່າງແໝ້ນຢໍາ, ພ້ອມທັງເນັ້ນຕື່ມໃຫ້ຈົ່ງຍົກສູງຄວາມຮັບຜິດຊອບການເມືອງຂອງຕົນເຂົ້າໃນການເຝິກແອບຮໍ່າຮຽນ, ຍັງສືບຕໍ່ປັບປຸງຍົກລະດັບຄວາມຮູ້ຄວາມສາມາດ ທາງດ້ານເຕັກນິກ- ເຕັກໂນໂລຢີ ໃຫ້ສູງຂື້ນທຽບທັນກັບຍຸກປັດຈຸບັນ, ເພື່ອສ້າງກອງທັບໃຫ້ມີຄວາມໜັກແໜ້ນ ເຂັ້ມແຂງຮອບດ້ານ ແລະ ທັນ ສະໄໝ.

ແຫຼງຂ່າວຈາກ Lao National Radio

ບົດຄວາມຫຼ້າສຸດ

ສົ່ງຕົວແກ້ງຄໍເຊັນເຕີກັບຈີນ ກົມຕໍາຫຼວດຄຸ້ມຄອງຄົນຕ່າງປະເທດ ສົ່ງຕົວແກ້ງຄໍເຊັນເຕີ ຈໍານວນ 485 ຄົນ ໃຫ້ທາງການຈີນ ນຳໄປດຳເນີນຄະດີ ຫຼັງຈາກຖືກຈັບກຸມຢູ່ ສປປ ລາວ

ໃນວັນທີ 13 ພຶດສະພາ 2026 ຢູ່ດ່ານສາກົນບໍ່ເຕັນ ແຂວງຫຼວງນໍ້າທາ, ກົມຕໍາຫຼວດຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ ກະຊວງ ປກສ ຮ່ວມກັບສູນຮ່ວມມືວຽກງານຕໍາຫຼວດລາວ-ຈີນ ໄດ້ມອບ-ຮັບຕົວພວກຖືກຫາທີ່ເປັນຄົນສັນຊາດຈີນ ຈໍານວນ 485...

ເອກະພາບໃນການປັບປຸງເສັ້ນທາງ ຈຳປາສັກ-ຊຽງແຕງ (ກຳປູເຈຍ) ເຫັນດີ ຈັບມືປັບປຸງເສັ້ນທາງດ່ານສາກົນ ໜອງນົກຂຽນ-ຕໍປຽງກຣຽນ  ຖືເປັນບາດກ້າວສຳຄັນ ແລະ ເສີມສ້າງສາຍພົວພັນມິດຕະພາບ.

ໃນວັນທີ 11 ພຶດສະພາ 2026, ທ່ານ ປອ ອາລຸນໄຊ ສູນນະລາດ, ເລຂາພັກແຂວງ, ປະທານສະພາປະຊາຊົນແຂວງຈຳປາສັກ ໄດ້ລົງພື້ນທີ່ຕິດຕາມ ແລະ ຊີ້ນຳການກະກຽມສ້ອມແປງເສັ້ນທາງແຕ່ ດ່ານສາກົນໜອງນົກຂຽນ...

ຊົມເຊີຍເຈົ້າໜ້າທີ່ຕຳຫຼວດ! ໃນການຕິດຕາມກວດກາ ແລະ ສະກັດກັ້ນບັນດາກຸ່ມອາຊະຍາກຳທາງເຕັກໂນໂລຊີ ຫຼື ແກ້ງສໍ້ໂກງຊັບທາງໂທລະຄົມ ທີ່ລັກລອບເຂົ້າມາເຄື່ອນໄຫວຜິດກົດໝາຍຢູ່ ສປປ ລາວ.

ໃນຍຸກທີ່ເຕັກໂນໂລຊີດິຈິຕອນ ແລະ ອິນເຕີເນັດໄດ້ກາຍເປັນສ່ວນໜຶ່ງທີ່ຂາດບໍ່ໄດ້ໃນຊີວິດປະຈຳວັນ, ໄພຂົ່ມຂູ່ຈາກແກ້ງສໍ້ໂກງຊັບທາງໂທລະຄົມ (Call Center) ຫຼື ອາຊະຍາກຳທາງເຕັກໂນໂລຊີ ໄດ້ຂະຫຍາຍຕົວຢ່າງວ່ອງໄວ ແລະ ກາຍເປັນໜຶ່ງໃນໄພຄຸກຄາມທີ່ຮ້າຍແຮງທີ່ສຸດຕໍ່ຄວາມໝັ້ນຄົງຂອງຊາດ, ເສດຖະກິດ ແລະ ສັງຄົມໃນທົ່ວໂລກ...