spot_img
Homeຂ່າວຕ່າງປະເທດເຫດກາດຍິງໃນໂຮງຮຽນປະຖົມ ກໍ່ໃຫ້ເກີດການຊຸກຍູ້ກົດໝາຍປືນໃນສະຫະລັດ

ເຫດກາດຍິງໃນໂຮງຮຽນປະຖົມ ກໍ່ໃຫ້ເກີດການຊຸກຍູ້ກົດໝາຍປືນໃນສະຫະລັດ

Published on

ຜູ້ວ່າການໃນລັດເທັກຊັດລະບຸວ່າ: ຜູ້ກໍ່ເຫດກາດຍິງໂຮງຮຽນປະຖົມ ໄດ້ໂພສຂໍ້ຄວາມຜ່ານເຟສບຸກກ່ອນລົງມືກໍ່ເຫດ ຊື່ງເຫດການດັ່ງກ່າວເປັນກະແສຄວາມສົນໃຈ ກ່ຽວກັບກົດໝາຍຄວບຄຸມອາວຸດປືນໃນສະຫະລັດອີກຄັ້ງ.

ອີງຕາມການລາຍງານຂອງສຳນັກຂ່າວຕ່າງປະເທດ ໃນວັນທີ 25 ເດືອນ ພຶດສະພາ ປີ 2022 ວ່າ: ທ່ານ Greg Abbott ຜູ້ວ່າການລັດເທັກຊັດ ຖະແຫຼງຂ່າວຫຼັງເກີດເຫດກາດຍິງໂຮງຮຽນປະຖົມ ຈົນເຮັດໃຫ້ມີຜູ້ເສຍຊີວິດ 21 ຄົນ ໂດຍເປີດເຜີຍວ່າ: ທ້າວ Salvador Ramos ຜູ້ກໍ່ເຫດອາຍຸ 18 ປີໂພສຂໍ້ຄວາມໃນເັສບຸກວ່າຈະຍິງແມ່ຕູ້ ແລະ ໂພສອີກວ່າຈະໄປຍິງໂຮງຮຽນປະຖົມ ກ່ອນທີ່ຈະໄປກໍ່ເຫດໃນໂຮງຮຽນປະຖົມສຶກສາ Robb Elementary School ໃນອີກປະມານ 15 ນາທີຕໍ່ມາ.

ສື່ໃນສະຫະລັດລາຍງານວ່າ: ຜູ້ກໍ່ເຫດຫາກໍຊື້ປືນໄລເຟິ້ນ 2 ກະບອກ ກັບລູກປືນອີກ 375 ລູກ ເມື່ອບໍ່ເທົ່າໃດມື້ກ່ອນໃນໂອກາດວັນຄົບຮອບອາຍຸ 18 ປີຂອງຕົນເອງ ໂດຍຊື້ຢ່າງຖືກຕ້ອງຕາມກົດໝາຍ ແລະ ໄດ້ໂພສລົງອິນຕາແກຣມອີກດ້ວຍ ຊຶ່ງອາວຸດເຫຼົ່ານັ້ນຖືກນຳມາໃຊ້ກໍ່ເຫດຈົນເຮັດໃຫ້ນັກຮຽນເສຍຊີວິດ 19 ຄົນ ແລະ ອາຈານອີກ 2 ຄົນ.

ທ່ານ ໂຈ ໄບເດັນ ໄດ້ກ່າວຕໍ່ບັນຫາສັງຄົມອາເມລິການີ້ວ່າ: ຂ້ອຍບໍ່ມັກ ແລະ ເບື່ອໜ່າຍກັບສິ່ງທີ່ເກີດຂຶ້ນ ພ້ອມຮຽກຮ້ອງເຖິງການຕໍ່ຕ້ານການລັອບບີ້ລົ້ມກົດໝາຍຄວບຄຸມປືນ, ຂະນະທີ່ຜູ້ຄົນເບິ່ງວ່າ ຄວາມຫຼົ້ມເຫຼວນີ້  ທ່ານ ໂຈ ໄບເດັນ ກໍມີສ່ວນແບກຮັບ ເພາະເຂົາມີບົດບາດສຳຄັນໃນການຄວບຄຸມກົດໝາຍອາວຸດປືນໃນອາດີດຫຼັງຈາກເຫດການກາດຍິງທີ່ ໂຮງຮຽນປະຖົມ ເຊນດີຣຸກ ໃນລັດຄອນເນັກຕິຄັດ ເມື່ອປີ 2012 ຊຶ່ງ ທ່ານ ໂຈ ໄບເດັນ ເປັນຮອງປະທານາທິບໍດີໃນຂະນະນັ້ນ ໄດ້ຖືກມອບໝາຍໃຫ້ດູແລການຊຸກຍູ້ກົດໝາຍ ແຕ່ສຸດທ້າຍບໍ່ຜ່ານສະພາ.

ນອກຈາກນີ້ ສະມາຄົມໄລເຟິ້ນແຫ່ງຊາດສະຫະລັດ ໃນງົບປະມານຫຼາຍຮອດປີ 3 ລ້ານໂດລາເພື່ອລັອບບີ້ສະມາຊິດໃນເລື່ອງນີ້ ແລະ ຫຼາຍຄົນເບິ່ງວ່ານີ້ຄືໜຶ່ງໃນເບື້ອລຫຼັງວ່າເປັນຫຍັງສະຫະລັດ ຈຶ່ງຍັງບໍ່ສາມາດປ່ຽນກົດໝາຍອາວຸດປືນໄດ້ສຳເລັດ.

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...