ຫົວໜ້າພະແນກຈະລາຈອນ ນະຄອນຫລວງວຽງຈັນ ທ່ານ ພັນຕີ ຍຸດຕະພົງ ບອກກັບນັ ຂ່າວພວກເຮົາໃນວັນທີ 6

ພະຈິກນີ້ວ່າ:ການສັນຈອນຂອງຍວດຍານ ພາຫະນະຕາມເສັ້ນໃນໄລຍະບຸນທາດຫລວງ ປີນີ້ນັບວ່າມີ ຄວາມຫຍຸ້ງ

ຍາກຕິດຂັດ ຫລາຍທີ່ສຸດເປັນປະຫວັດການ, ໂດຍສະເພາະເສັ້ນທາງເຊື່ອມຕໍ່ເຂົ້າສູ່ບໍລິເວນສະ ຖານທີ່ຈັດງານບຸນ

ເຊັ່ນ: ເສັ້ນທາງວຽງຈະ ເລີນ, ໂພນ ເຄັງ, ໜອງບອນ, ທາງເຕ 4 ແລະ ອື່ນໆ ຊຶ່ງສ້າງຄວາມແອອັດເປັນຢ່າງຍິ່ງໃຫ້

ຜູ້ຂັບຂີ່ພົບພໍ້ຄວາມຫຍຸ້ງຍາກ ຕ່າງໆ ຫລາຍສົມຄວນ, ທັງເປັນວຽກໜັກຕໍ່ເຈົ້າໜ້າທີ່ໃນການປະຕິບັດໜ້າທີ່ອຳ

ນວຍຄວາມສະດວກລະບາຍ ລົດໃນເສັ້ນທາງດັ່ງ ກ່າວ, ແຕ່ຍ້ອນລົດຂອງຜູ້ມາທ່ຽວງານມີ ເປັນຈຳນວນຫລາຍ

ບວກກັບ ຫລາຍເສັ້ນທາງຂ້ອນຂ້າງນ້ອຍແຄບ, ສະຖານ ທີ່ ຈອດລົດບໍລິເວນງານບຸນມີໜ້ອຍຈຶ່ງເກີດມີ ສະພາບ

ຈອດລົດຊະຊາຍບໍ່ເປັນ ລະບຽບ ແລະ ພາໃຫ້ເກີດສະພາບລົດຕິດຂັດ ແອອັດໃນຫລາຍເສັ້ນທາງ.

ປະຊາຊົນທີ່ມາທ່ຽວບຸນທ່ານ ໜຶ່ງບອກກັບນັກຂ່າວວ່າ: ໃນ ຕອນເຊົ້າວັນທີ 6 ພະຈິກນີ້ ເຊິ່ງເປັນມື້ໃສ່ບາດລາວ

ຂັບລົດ ໃຫຍ່ມາແຕ່ສີ່ແຍກໄຟແດງທາດຫຼວງຫາສາມແຍກໂພນເຄັງໃຊ້ເວລາ ເກືອບ 3 ຊົ່ວໂມງຈຶ່ງສາມາດອອກ

ວິດຈາກຄວາມແອ ອັດໄດ້, ຂະນະທີ່ປະຊາຊົນອີກທ່ານໜຶ່ງມາແຕ່ແຂວງສະຫວັນນະເຂດບອກວ່າລາວຂັບລົດມາ

ແຕ່ເສັ້ນທາງໂພນພະເນົາຫາ ໂພນເຄັງເສຍເວລາເກືອບສາມຊົ່ວໂມງ ເຊັ່ນກັນ ແລະ ບໍ່ເຄີຍເຫັນສະພາບລົດຕິດ

ແອອັດໜັກໜ່ວງແບບນີ້ຈັກເທື່ອ.

ທ່ານຫົວໜ້າພະແນກຈະລາຈອນ ບອກວ່າ: ບຸນທາດຫລວງ ປີນີ້, ນະຄອນຫລວງວຽງຈັນ ໄດ້ຈັດວາງກຳລັງເຈົ້າໜ້າ

ທີ່ຈະ ລາຈອນຫລາຍກວ່າ 600 ຄົນ ປະຈຳຢູ່ເສັ້ນທາງ, ຈຸດສາມ ແຍກ, ສີ່ແຍກໃນເສັ້ນທາງທີ່ ເຊື່ອມຕໍ່ສູ່ທາດຫລວງ

ເກືອບ 90 ຈຸດເພື່ອລະບາຍການສັນຈອນ ໃຫ້ມີຄວາມສະດວກໂລ່ງລຽນ, ແຕ່ການປະຕິບັດວຽກງານຕົວ ຈິງກໍຍັງ

ເຫັນວ່າມີສະພາບຫຍຸ້ງ ຍາກສັບສົນຢູ່ຫລາຍຈຸດ, ເຊິ່ງບັນຫາດັ່ງກ່າວເຈົ້າໜ້າທີ່ພວກເຮົາຈະໄດ້ຖືເປັນບົດຮຽນໃນ

ການແກ້ໄຂ ແລະ ວາງແຜນຮັບ ມືກັບການຈັດສັນລະບາຍລົດງານບຸຸນໃຫຍ່ຕ່າງໆໃຫ້ດີຂຶ້ນກວ່າເກົ່າເພື່ອຫລີກລ້ຽງ

ສະພາບບໍ່ດີເກີດຂຶ້ນ.

ແຫລ່ງຂ່າວ: ລາວພັດທະນາ