ຜູ້ໂດຍສານສາຍການບິນ ຫວຽດນາມ ແອຣ໌ລາຍ ຊ່ວຍກັນຈັບຕົວຊາຍຄົນໜຶ່ງ ເກີດອາການປ່ວງບ້າ ພະຍາຍາມ
ເປີດປະຕູສຸກເສີນ ເພື່ອໂດດລົງຈາກເຮືອບິນ.
ສຳນັກຂ່າວຕ່າງປະເທດລາຍງານ ໃນວັນທີ 6 ພະຈິກນີ້ວ່າ ເກີດເຫດລະທຶກຂຶ້ນ ເທິງເຮືອບິນຂອງສາຍການບິນ
ຫວຽດນາມ ແອຣ໌ລາຍ ຖ້ຽວບິນ VM 773 ຈາກນະຄອນໂຮ່ຈິມິນ ໄປຍັງນະຄອນຊິດນີ້ ປະເທດອົດສະຕາລີ ເມື່ອມີ
ຜູ້ໂດຍສານຊາຍຄົນໜຶ່ງເກີດອາການປ່ວງບ້າ ພະຍາຍາມເປີດປະຕູສຸກເສີນ ເພື່ອຈະໂດດລົງຈາກເຮືອບິນ ໃນຂະ
ນະທີ່ກຳລັງບິນຢູ່ເທິງຟ້າ ໂດຍອ້າງວ່າເຂົາຖືກມອມຢາ ແລະ ຖືກລັກພາຕົວມາ ແລະ ຈະມີຄົນດັກຊຸ້ມຖ້າຂ້າເຂົາຢູ່
ທີ່ຊິດນີ້.
ຜູ້ໂດຍສານ ແລະ ລູກເຮືອພາຍໃນເຮືອບິນ ຕ່າງກໍພາກັນແຕກຕື່ນ ແລະ ພະຍາຍາມຈັບຕົວເຂົາ ຈົນສາມາດຈັບ
ໄວ້ໄດ້ ໂດຍໃຊ້ເຊືອກມັດມືເຂົາເອົາໄວ້ ຈາກນັ້ນເຂົາຈິ່ງສະຫງົບລົງ.
ດ້ານເຈົ້າໜ້າທີ່ສຳນັກງານຕຳຫລວດອົດສະຕາລີ ໄດ້ຮັບແຈ້ງມາຈາກເຮືອບິນວ່າ ມີຊາຍຄົນໜຶ່ງອາຍຸ 27 ປີ ຖືກ
ຄວບຄຸມຕົວໄວ້ຢູ່ເທິງເຮືອບິນ ໂດຍພາຍຫລັງມາເຖິງນະຄອນຊິດນີ້ ຊາຍຄົນດັ່ງກ່າວກໍໄດ້ຖືກນຳຕົວສົ່ງໄປກວດ
ຮ່າງກາຍເບື້ອງຕົ້ນທີ່ໂຮງໝໍ ເຊັ້ນ ຈ໊ອດ ແລ້ວ ແລະ ກຽມຖືກນຳຕົວຂຶ້ນສານ ເພື່ອຮັບຂໍ້ຫາຄຸກຄາມຄວາມປອດ
ໄພເທິງເຮືອບິນ.
