ອີງຕາມສຳນັກຂ່າວ Reuters ລາຍງານວ່າ ຝົນຕົກໜັກຢູ່ຝັ່ງຕາເວັນອອກຂອງອົດສະຕຣາລີໃນວັນທີ 7 ເມສາທີ່ຜ່ານມາ ເຮັດໃຫ້ນະຄອນຊິດນີ້ຕ້ອງປະສົບກັບຝົນຕົກເທົ່າກັບປະລິມານຝົນທີ່ຕົກເກືອບທັງເດືອນ. ສົ່ງຜົນໃຫ້ເກີດນໍ້າຖ້ວມກະທັນຫັນຕາມຖະໜົນຫົນທາງ ​ແລະ ​ເຈົ້າໜ້າ​ທີ່​ຕ້ອງ​ປະກາດ​ການ​ອົບພະຍົບ​ປະຊາຊົນ ພ້ອມ​ເຕືອນ​ວ່າ​ຈະ​ມີ​ຝົນຕົກ​ເພີ່ມ​ຂຶ້ນອີກ.

ຜູ້ພັກອາໃສໃນເຮືອນພັກຄົນຊະລາໄດ້ຖືກຍົກຍ້າຍ ຫຼັງໜ່ວຍງານສຸກເສີນໄດ້ຮຽກຮ້ອງໃຫ້ພົນລະເມືອງ 5 ລ້ານຄົນຂອງ ຊິດນີ້ ຫລີກລ້ຽງການເດີນທາງທີ່ບໍ່ຈໍາເປັນ ແລະ ກຽມພ້ອມສໍາລັບຄໍາສັ່ງອົບພະຍົບທີ່ອາດຈະມີຂຶ້ນ.

ສຳລັບສະຖານະການນໍ້າຖ້ວມໃນອ່າງເກັບນໍ້າມັນເຊື້ອໄຟຂອງ Ampol ພາກໃຕ້ຂອງ ຊິດນີ້ ເຮັດ​ໃຫ້​ນ້ຳ​ມັນ​ປົນ​ກັບ​ນ້ຳ​ຖ້ວມ ແຕ່ພະແນກສຸກເສີນກ່າວວ່າ ສາມາດຄວບຄຸມສະຖານະການ ແລະ ບໍ່ມີຄວາມສ່ຽງຈະເກີດອັນຕະລາຍໃນພື້ນທີ່.