ຢ່າງທີ່ທຸກຄົນຮູ້ກັນດີວ່າ ອາຫານເຊົ້າ ສຳຄັນຕໍ່ສະຫມອງຫລາຍກວ່າຄາບໃດໆ ແຕ່ກໍຍັງມີອີກຫລາຍຄົົນທີ່ບໍ່ກິນ ອາຫານເຊົ້າ ເພາະວ່າບໍ່ມີເວລາ ຕື່ນແລ້ວກໍຮີບອອກໄປຮຽນຫລື ໄປເຮັດວຽກເລີຍ
ທີມນັກໂພສະນາການຊາວອົດສະຕາລີ ສຶກສາໄວໜຸ່ມ 800 ຄົນ ພົບວ່າ ການໄດ້ກິນ ອາຫານເຊົ້າ ທີ່ມີສານອາຫານບາງປະເພດຊ່ວຍໃນເລື່ອງການເຮັດວຽກງານຂອງສະຫມອງ ໂດຍພົບວ່າ ເຮັດຄະແນນໃນຫ້ອງຮຽນໄດ້ດີຂຶ້ນ ແລະ ມີສຸຂະພາບຈິດດີຂຶ້ນນໍາອີກ ເຫັນແລ້ວອົດບໍ່ໄດ້ທີ່ຈະນຳມາບອກຕໍ່ ເພາະນອກຈາກຈະດີຕໍ່ສຸຂະພາບສະຫມອງແລ້ວ ວິທີເຮັດກໍ່ງ່າຍແບບທີ່ບໍ່ຕ້ອງກວນແມ່ ແລະ ບໍ່ເສຍເວລາກຽມເທົ່າໃດ ມາລອງເຮັດກັນເລຍ
ສູດທີ່ 1 ຊີລຽວຈາກທັນຍາພືດທີ່ບໍ່ຂັດສີ ຕື່ມນົມສົ້ມແບບບໍ່ມີໄຂມັນ ຫລື ໄຂມັນຕ່ຳ ຈາກນັ້ນຕື່ມກ້ວຍຫອມຊອຍເປັນປ່ຽງລົງໄປ ຄົນໃຫ້ເຂົ້າກັນ
ສູດທີ່ 2 ໂຍເກິດ ແບບບໍ່ມີໄຂມັນ ຫລື ໄຂມັນຕ່ຳ ໃສ່ເຂົ້າໂອດບົດຫຍາບ ແລະຫມາກໄມ້ຕ່າງໆ ທີ່ມັກ ເຊັ່ນ ກີວີ ແອບເປີ້ນ ສະຕໍເບີລີ (ບໍ່ຄວນເປັນຫມາກໄມ້ທີ່ມີລົດຫວານ) ຄົນໃຫ້ເຂົ້າກັນ
ສູດທີ່ 3 ແຊນວິດທູນາ ໃຊ້ຂະໜົມປັງບໍ່ຂັດຂາວ ຊີ້ນປາທູໜ້າ ແລະ ທີ່ຂາດບໍ່ໄດ້ຄືໝາກເລັ່ນສີແດງສົດ
ສ່ວນປະສົມຫລັກໆ ບອກໄປແລ້ວ ສ່ວນໃຜຈະມີເຄັດລັບຫຍັງ ກໍສາມາດເພິ່ມເຕີ່ມໄດ້ຕາມໃຈມັກ ກິນອື່ມແລ້ວ ຢ່າລືມເພີ່ມພະລັງສະຫມອງອີກທາງໜຶ່ງດ້ວຍການອອກກຳລັງກາຍ