ຣັດເຊຍແລະຍີ່ປຸ່ນຍັງບໍ່ທັນຢຸດຕິການປະທະກັນໃນສົງຄາມໂລກຄັ້ງທີສອງຢ່າງເປັນທາງການ ຍ້ອນການຂັດແຍ້ງກັນມາເປັນເວລາດົນນານກ່ຽວກັບໝູ່ເກາະໃກ້ກັບ Hokkaido…. ຊາວຣັດເຊຍເອີ້ນໝູ່ເກາະດັ່ງກ່າວວ່າ ໝູ່ເກາະ Kuril, ແຕ່ຍີ່ປຸ່ນເອີ້ນເກາະດັ່ງກ່າວວ່າເປັນເຂດດິນແດນພາກເໜືອຂອງຍີ່ປຸ່ນ.
ຍີ່ປຸ່ນ ມີຄວາມບໍ່ພໍໃຈ ພາຍຫຼັງຣັດເຊຍຖອນຕົວອອກຈາກການເຈລະຈາສັນຕິພາບ ແລະ ໄດ້ຢຸດຕິບັນດາໂຄງການຮ່ວມມືດ້ານເສດຖະກິດຢູ່ໝູ່ເກາະ Kuril ທີ່ມີການຂັດແຍ້ງກັນຍ້ອນ ຂວ້ຳບາດ ທີ່ຍີ່ປຸ່ນປະຕິບັດຕໍ່ຣັດເຊຍ ຍ້ອນຣັດເຊຍ ໄດ້ບຸກໂຈມຕີຢູເຄຣນ.
ເຊີ່ງໝູ່ເກາະເຫຼົ່ານັ້ນໄດ້ຖືກຍຶດໂດຍລັດເຊຍ (ເວລານັ້ນແມ່ນສະຫະພາບໂຊວຽດ) ໃນຕອນທ້າຍຂອງສົງຄາມໂລກຄັ້ງທີສອງ.
ໃນປັດຈຸບັນ, ນາຍົກລັດຖະມົນຕີຍີ່ປຸ່ນ Fumio Kishida ກ່າວວ່າ: ທ່ານຄັດຄ້ານການຕັດສິນໃຈຂອງຣັດເຊຍ, ໂດຍຖືວ່າເປັນສະຖານະການ “ບໍ່ຍຸດຕິທຳ” ແລະ “ບໍ່ສາມາດຍອມຮັບໄດ້ຢ່າງສົມບູນ.”
ທ່ານ Fumio ບອກຕື່ມວ່າ: ຣັດເຊຍ ໄດ້ໃຊ້ການຂວ້ຳບາດ ເປັນຂໍ້ແກ້ຕົວເພື່ອຍົກເລີກການເຈລະຈາກ່ຽວກັບສົນທິສັນຍາ, ແຕ່ວ່າຍີ່ປຸ່ນຈະຍຶດໝັ້ນກັບການຂວ້ຳບາດ ຕໍ່ຣັດເຊຍ ແລະ ບໍລິສັດລັດເຊຍ.
ອ້າງອີງ: https://www.japantimes.co.jp/news/2022/03/22/national/russia-japan-peace-treaty-talks-halted/