ກ່ຽວກັບເຫດການນ່າສະຫຼົດໃຈ ທີ່ເຮືອບິນໂດຍສານຖ້ຽວບິນ MU5735 ຂອງສາຍການບິນ CHINA EASTERNAIRLINES ທີ່ເດີນທາງຈາກ ນະຄອນຄຸນໝິງ ແຂວງຢຸນນານ ໄດ້ຕົກໃນອາທິດກ່ອນ, ເຊິ່ງຜູ້ຊ່ຽວຊານໄດ້ແຈ້ງກ່ອຽວກັບຄວາມເຄີບໜ້າຂອງເຫດການ ໃຫ້ຮູ້ວ່າ: ການຖອດລະຫັດກ່ອງດຳເຮືອບິນລຳເກີດເຫດຕ້ອງໃຊ້ເວລາ 10 ຫາ 15 ວັນ.
ປັດຈຸບັນ, ໜ່ວຍງານກູ້ໄພ ກຳລັງດຳເນີນການຊອກຄົ້ນຫາກັບບັນທຶກຂໍ້ມູນການບິນ ຫຼືກັບດຳໜ່ວຍທີ 2 ຢູ່ຕາມສະຖານທີ່ເກີດເຫດເຮືອບິນຕົກຂອງບໍລິສັດການບິນ CHINA EASTERN . ແຕ່ຢູ່ສະຖານທີ່ເກີດເຫດໄດ້ມີຝົນຕົກ ເຊິ່ງອາດຈະເຮັດໃຫ້ດິນນ້ຳຝັງສິ່ງຂອງທີ່ສຳຄັນ ແລະເຮັດໃຫ້ການກູ້ໄພປະສົບຄວາມຫຍຸ້ງຍາກຫຼາຍຂຶ້ນ.
ສ່ວນກັບບັນທຶກຂໍ້ມູນສຽງ ຫຼືກັບດຳໜ່ວຍໜຶ່ງທີ່ຖືກຄົ້ນພົບເຫັນແລ້ວ, ຜູ້ຊ່ຽວຊານກ່າວວ່າ: ຕ້ອງຜ່ານການຖອດເອົາ, ແປລະຫັດ ແລະວິເຄາະຂໍ້ມູນ, ຈຶ່ງສາມາດອອກບົດລາຍງານໄດ້ ໂດຍຕ້ອງນຳໃຊ້ເວລາປະມານ 10 ຫາ 15 ວັນ ຈຶ່ງສາມາດໄດ້ຮັບຜົນການວິເຄາະເບື້ອງຕົ້ນ. ແຕ່ຖ້າຢາກໄດ້ຜົນສະຫຼຸບສຸດທ້າຍ ຍັງຕ້ອງໃຊ້ເວລາດົນກວ່ານີ້.
ແຫຼ່ງຂ່າວ: CRI