ອີງຕາມການລາຍງານໃນວັນທີ 18 ມີນາຜ່ານມາຈາກວິທະຍຸສາກົນແຫ່ງປະເທດຈີນປະຈຳລາວ ຫຼື CRI ລາຍງານວ່າ: ຄະນະກຳມະການປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ສູນກາງມຽນມາໄດ້ອອກປະກາດແຈ້ງການກ່ຽວກັບການເປີດຖ້ຽວບິນຄືນໃໝ່ ເນື່ອງຈາກວ່າຈຳນວນປະຊາຊົນທີ່ເປັນພະຍາດໂຄວິດ-19 ແລະ ຍອດຜູ້ເສຍຊີວິດໄດ້ຫຼຸດລົງ, ເພື່ອໃຫ້ຄວາມສະດວກດ້ານການເດີນທາງ ແລະ ການຂົນສົ່ງຜູ້ໂດຍສານ ມຽນມາຈະເປີດຖ້ຽວບິນການຄ້າຂົນສົ່ງໂດຍສານສາກົນຄືນໃໝ່ໃນວັນທີ 17 ເມສາໜ້ານີ້.

ມຽນມາໄດ້ປະກາດຢຸດຖ້ຽວບິນການຄ້າຂົນສົ່ງໂດຍສານສາກົນຕັ້ງແຕ່ວັນທີ 30 ມີນາ 2020 ຜ່ານມາເນື່ອງຈາກສະພາບການແຜ່ລະບາດຂອງພະຍາດໂຄວິດ-19 ຮອບທີ 4 ທີ່ເກີດຂຶ້ນຢູ່ມຽນມາໄດ້ຜ່ອນຄາຍລົງ, ອີງຕາມຜົນການສະຖິຕິຂອງກະຊວງສາທາລະນະສຸກມຽນມາ, ສຳລັບຜົນການກວດໃນວັນທີ 18 ມີນາເພື່ອຫາເຊື້ອໄວຣັສໂຄວິດ-19 ຂອງ 17.763 ຕົວຢ່າງນີ້ມີຍອດເພີ່ມຂຶ້ນ 540 ກໍລະນີ, ອັດຕາຖືກບົ່ງມະຕິເປັນ 3,04%.