ທ່ານ ເດວິດ ອາລາຄາເມຍ (David Arakemia) ໜຶ່ງ​ໃນ​ບັນດາ​ຜູ້ແທນ​ເຈລະຈາ​ຂອງ​ຢູ​ເຄຣນກ່າວ​ວ່າ: ຢູ​ເຄຣນ ​ແລະ ຣັດ​ເຊຍ ຈະ​ຈັດການ​ເຈລະຈາ​ສັນຕິພາບ​ຄັ້ງ​ຕໍ່​ໄປ​ໃນ​ວັນ​ຈັນ​ມື້​ນີ້ ຊຶ່ງ​ເປັນ​ການ​ເຈລະຈາ​ຮອບ​ທີ​ສາມ.

ອີງຕາມການລາຍງານຂອງສຳນັກຂ່າວ ​ຊິນ​ຫົວ​ ໄດ້ລາຍ​ງານ​ວ່າ: ການເຈລະຈາລະຫວ່າງ ຢູເຄຣນ ​ແລະ ຣັດ​ເຊຍ ທັງ​ສອງ​ຮອບ​ໄດ້​ດຳ​ເນີນ​ໄປ​ໃນ​ວັນ​ທີ 28 ກຸມພາ ​ແລະ ​ວັນ​ທີ 3 ມີນາ​ທີ່ຜ່ານມາ, ເຊິ່ງທາງດ້ານ ທ່ານ ໄມໄຄໂບ ໂພໂດຍັກ (Maikaibo Podoyak) ທີ່​ປຶກສາ​ຂອງ​ປະທານາທິບໍດີ​ຢູ​ເຄຣນ ກ່າວ​ໃນ​ວັນ​ສຸກ​ທີ່ຜ່ານມາວ່າຈະຈັດການ​ເຈລະຈາ​ຮອບ​ທີ​ສາມ ​ລະຫວ່າງ ຣັດ​ເຊຍ ​ແລະ ​ຢູ​ເຄຣນ ຈະ​ມີ​ຂຶ້ນ​ໃນວັນຈັນ ທີ 7 ມີນາ 2022 ນີ້.

ທ່ານ ວາລາດິເມຍ ປູຕິນ Vladimir Putin ປະທານາທິບໍດີລັດເຊຍກ່າວ​ໃນ​ລະຫວ່າງ​ການ​ໂອ້​ລົມ​ທາງ​ໂທລະສັບ​ກັບ ທ່ານ ໂອຮາຟ ໂຊລ์ (Olaf Scholz) ນາຍົກລັດຖະມົນຕີ ​ເຢຍລະ​ມັນໃນວັນສຸກທີ່ຜ່ານມານັ້ນວ່າ: ຣັດ​ເຊຍ​ເປີດ​ກວ້າງ​ການ​ເຈລະຈາ​ກັບ​ຢູເຄຣນ ​ແລະ ​ຫວັງ​ວ່າ​ຢູ​ເຄຣນຈະ​ມີ​ຈຸດຍືນທີ່​ມີ​ເຫດຜົນ. ​ລວມທັງ​ມີ​ລັກສະນະ​ສ້າງສັນ​ໃນ​ການ​ເຈລະຈາ​ຮອບ​ທີ 3.