ຖະແຫຼງຂ່າວ ຂອງໂຄສົກກະຊວງການຕ່າງປະເທດ ແຫ່ງ ສປປ ລາວ ກ່ຽວກັບສະຖານະການຢູ່ ອູກຣາອິນ

0
1669

ໂຄສົກກະຊວງການຕ່າງປະເທດ ແຫ່ງ ສປປ ລາວ ໄດ້ຖະແຫຼງຂ່າວ ກ່ຽວກັບສະຖານະການຢູ່ ອູກຣາອິນ.

ວັນທີ 26 ກຸມພາ 2022 ສປປ ລາວ ຕິດຕາມຢ່າງໃກ້ຊິດ ສະພາບການທີ່ຜັນແປ, ສະຫຼັບສັບຊ້ອນ ແລະ ມີຄວາມລະອຽດອ່ອນ ຢູ່ ອູກຣາອິນ (Ukraine) ສປປ ລາວ ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງເພີ່ມທະວີຄວາມອົດກັ້ນ ແລະ ຄວາມພະຍາຍາມເພື່ອຫຼຸດຜ່ອນຄວາມເຄັ່ງ ຕຶງ ທີ່ອາດສົ່ງຜົນກະທົບຕໍ່ສັນຕິພາບ ແລະ ຄວາມຫມັ້ນຄົງສາກົນ.

ສປປ ລາວ ສະໜັບສະໜູນຄວາມພະຍາຍາມໃນການແກ້ໄຂບັນຫາດ້ວຍສັນຕິວິທີ ຜ່ານການເຈລະຈາ ທາງການທູດ.

ລາວໄດ້ສ້າງຕັ້ງການພົວພັນທາງການທູດກັບອູກຣາອິນ (Ukraine) ຢ່າງເປັນທາງການໃນວັນທີ 2 ມັງກອນ ປີ 1992.