ສໍານັກຂ່າວຕ່າງປະເທດ ໄດ້ລາຍງານວ່າ: ສະພາຄວາມໝັ້ນຄົງ ແລະ ປ້ອງກັນຕົນເອງຂອງປະເທດມຽນມາໄດ້ອອກມາຖະແຫຼງການວ່າ: ລັດຖະບານກອງທັບມຽນມາໄດ້ປະກາດຂະຫຍາຍພາວະສຸກເສີນຂອງປະເທດອອກໄປຢ່າງຕໍ່ເນື່ອງໄປຈົນຮອດວັນທີ 31 ກໍລະກົດ 2022 ໂດຍທ່ານ ມິນ ສ່ວຍ ຜູ້ຮັກສາການປະທານາທິບໍດີ ໄດ້ອະນຸມັດ ການຂະຫຍາຍເວລາດັ່ງກ່າວຕາມຄໍາຂໍຂອງພົນເອກ ມິນ ອ່ອງ ຫຼາຍ ຜູ້ນໍາລັດຖະບານທະຫານຂອງມຽນມາ ໂດຍໃຫ້ເຫດຜົນວ່າເພດື່ອຮັກສາສະຖຽນລະພາບຂອງປະເທດ ຄວາມປອດໄພຂອງປະຊາຊົນ ແລະ ສ້າງສັນຕິພາບເຊິ່ງເປັນເປົ້າໝາຍສໍາຄັນ.

ທາງດ້ານອົງກອນຊ່ວຍເຫຼືອນັກໂທດການເມືອງໄດ້ເປີດເຜີຍວ່າ: ນັບຕັ້ງແຕ່ລັດຖະປະຫານເມື່ອວັນທີ 1 ກຸມພາ 2021 ກອງທັບມຽນມາໄດ້ສັງຫານປະຊາຊົນໄປຫຼາຍກວ່າ 1,500 ຄົນ ແລະ ມີປະຊາຊົນຖືກຈັບໄປປະມານ 12,000 ຄົນ ແລະ ທາງສະຫະລັດອາເມລິກາໄດ້ອອກມາດຕະການຄວໍ້າບາດອີກຄັ້ງໜຶ່ງກັບບຸກຄົນທີ່ມີຄວາມກ່ຽວຂ້ອງກັບລັດຖະບານທະຫານ.

ແຫຼ່ງຂ່າວ: bangkokbiznews