ກະຊວງພະລັງງານ ແລະ ບໍ່ແຮ່ ເຫັນເຖິງຄວາມຈຳເປັນຂອງການມີແສງສະຫວ່າງພາຍໃນບ້ານ ຈິ່ງສະໜອງອຸປະກອນ
ພະລັງງານໄຟຟ້າແສງຕາເວັນໃຫ້ປະຊາຊົນ 80 ຄອບຄົວ ຢູ່ເມືອງຫົງສາ ທີ່ບໍ່ທັນມີໄຟຟ້າໃຊ້ ເພື່ອຄວາມສະດວກໃນ
ການດຳລົງຊີວິດ.
ພິທີມອບ-ຮັບໄດ້ມີຂຶ້ນໃນວັນທີ 30 ຕຸລາຜ່ານມາ ທີ່ກະຊວງພະລັງງານ ແລະ ບໍ່ແຮ່ ໂດຍຕາງໜ້າມອບຂອງ ທ່ານ ທອງ
ຂັນ ພິມວິໄລ ຫົວໜ້າສະຖາບັນສົ່ງເສີມພະລັງງານທົດແທນກະຊວງພະລັງງານ ແລະ ບໍ່ແຮ່, ຮັບໂດຍ ທ່ານ ຄຳເພັດ ພົມ
ມາລາດ ຮອງເຈົ້າເມືອງໆຫົງສາ ແລະ ພ້ອມດ້ວຍພະນັກງານວິຊາການຈຳນວນໜຶ່ງເຂົ້າຮ່ວມເປັນສັກຂີພິຍານ.
ທ່ານ ທອງຂັນ ພິມວິໄລ ຫົວໜ້າສະຖາບັນສົ່ງເສີມພະລັງງານທົດແທນກະຊວງພະລັງງານບໍ່ແຮ່ ກ່າວວ່າ: ອີງຕາມການ
ສະເໜີຂໍອຸປະກອນໄຟຟ້າແສງຕາເວັນໃນຄັ້ງນີ້ ກໍເພື່ອນຳໄປຕິດຕັ້ງໃຫ້ພໍ່ແມ່ປະຊາຊົນທີ່ຢູ່ເຂດຫ່າງໄກສອກຫຼີກຈຳນວນ
2 ບ້ານຄື: ບ້ານປາກງື່ມ ແລະ ບ້ານຫ້ວຍຊອງ ເມືອງຫົງສາ ແຂວງໄຊຍະບູລີ ຕາມແຜນນະໂຍບາຍຂອງລັດຖະບານໃນປີ
2020 ທົ່ວປະເທດໃຫ້ປະຊາຊົນໄດ້ມີໄຟຟ້າໃຊ້ຢ່າງທົ່ວເຖິງ ດັ່ງນັ້ນ ກະຊວງພະລັງງານ ແລະ ບໍ່ແຮ່ ຈິ່ງໄດ້ມອບອຸປະກອນ
ໄຟຟ້າແສງຕາເວັນໃຫ້ແກ່ເມືອງຫົງສາແຂວງໄຊຍະບູລີ ຈຳນວນ 80 ຊຸດ ເພື່ອນຳໄປແຈກຢາຍໃຫ້ປະຊາຊົນ 80 ຄອບຄົວ
ລວມມູນຄ່າ 115 ລ້ານກີບ.
ພ້ອມນັ້ນ ທ່ານຮອງເຈົ້າເມືອງໆຫົງສາ ແຂວງໄຊຍະບູລີ ກໍໄດ້ກ່າວຂອບໃຈມາຍັງກະຊວງພະລັງງານ ແລະ ບໍ່ແຮ່ ທີ່ໄດ້ພິຈາ
ລະນາຕິດຕັ້ງອຸປະກອນພະລັງງານໄຟຟ້າແສງຕາເວັນໃຫ້ປະຊາຊົນ 2 ບ້ານໄດ້ມີໄຟຟ້າໃຊ້ ແລະ ຍັງໄດ້ແຈ້ງໃຫ້ຮູ້ກ່ຽວກັບ
ສະພາບຄວາມຫຍຸ້ງຍາກ ແລະ ງົບປະມານບໍ່ພຽງພໍໃນການຂະຫຍາຍຕາຂ່າຍໄຟຟ້າ ຈິ່ງໄດ້ຄົ້ນຄວ້າເຫັນດີເປັນເອກະພາບ
ຂອງຄະນະປະຈຳພັກ ເມືອງຫົງສາ ເພື່ອສະເໜີຂໍອຸປະກອນຕິດຕັ້ງໄຟຟ້າແສງຕາເວັນທີ່ບ້ານປາກງື່ມ ແລະ ບ້ານຫ້ວຍ
ຊອງເມືອງຫົງສາ ແຂວງໄຊຍະບູລີ ເນື່ອງຈາກວ່າບ້ານທັງສອງຕັ້ງຢູ່ເຂດຫ່າງໄກສອກຫຼີກ (ບ້ານປາກງື່ມຫ່າງຈາກເທສະ
ບານເມືອງປະມານ 24 ກິໂລແມັດ ແລະ ບ້ານຫ້ວຍຊອງຫ່າງຈາກເທສະບານເມືອງປະມານ 32 ກິໂລແມັດ, ເປັນບ້ານທີ່ຕັ້ງ
ຢູ່ແຄມແມ່ນ້ຳຂອງ, ການຄົມມະນາຄົມພົບຄວາມຫຍຸ້ງຍາກ, ເສັ້ນທາງທະລຸເຂົ້າເຖິງແຕ່ບໍ່ສາມາດທຽວໄດ້ 2 ລະດູປະຊາ
ຊົນຍັງທຸກຍາກ.
ແຫລ່ງຂ່າວ: ເສດຖະກິດ – ສັງຄົມ