ໃນວັນທີ 10 ມັງກອນ 2022 ຜ່ານມາ, ສຳນັກຂ່າວ SpringerOpen ໄດ້ລາຍງານເຖິງຜົນການວິໄຈຂອງມະຫາວິທະຍາໄລ Cardiff, ປະເທດອັງກິດ ນຳໂດຍ ທ່ານໝໍ Michael Lewis ຜູ້ຊ່ຽວຊານດ້ານຈິດຕະວິທະຍາ ແລະ ໃບໜ້າ.
ໂດຍທ່ານໝໍ Lewis ໄດ້ເປີດເຜີຍວ່າ: ປັດຈຸບັນ, ຜູ້ຄົນມີມຸມມອງຕໍ່ການໃສ່ຜ້າປິດປາກ-ດັງ ທີ່ປ່ຽນໄປເພາະກ່ອນໜ້ານີ້ຄົນເຄີຍເບິ່ງວ່າການໃສ່ຜ້າປິດປາກດັງ ຈະມີຄວາມກ່ຽວຂ້ອງກັບອາການປ່ວຍເປັນຫວັດ, ໄອ ແລະ ຄວນຢູ່ໃຫ້ຫ່າງ.
ເຊິ່ງການວິໄຈໃນຄັ້ງນີ້ໄດ້ດຳເນີນການເກັບຂໍ້ມູນໂດຍການໃຫ້ອາສາສະມັກ ທີ່ເປັນຜູ້ຍິງຈຳນວນ 43 ຄົນມານັ່ງໃຫ້ຄະແນນໂດຍເລືອກຮູບຂອງຜູ້ຊາຍແຕ່ລະຄົນຈະມີ 10 ຮູບດ້ວຍກັນ ແລະ ຈະຕ້ອງເລືອກມາ 1 ຮູບທີ່ຄິດວ່າດູດີທີ່ສຸດ.
ຜົນປາກົດວ່າ: ສ່ວນໃຫຍ່ແລ້ວຜູ້ເຂົ້າຮ່ວມຈະເລືອກຮູບພາບຜູ້ຊາຍທີ່ໃສ່ຜ້າປິດປາກ-ດັງ ຫຼາຍທີ່ສຸດບາງຄົນກໍ່ສະແດງຄວາມຄິດເຫັນວ່າຜູ້ຊາຍຕອນທີ່ໃສ່ຜ້າປິດປາກດັງຈະດູດີຫຼາຍກວ່າຕອນທີ່ເຫັນໃບໜ້າ.
ຈາກປະເດັນນີ້ ທ່ານໝໍ Lewis ໄດ້ລະບຸຕື່ມອີກວ່າ: ມີຄວາມເປັນໄປໄດ້ທີ່ຜ້າປິດປາກ-ດັງ ເຮັດໃຫ້ຄົນມີສະເໜ່ຂຶ້ນ ເປັນຍ້ອນວ່າ ເຮົາຈະສົບຕາກັນ ແລະ ຍັງປົກປິດບາງສ່ວນຂອງໃບໜ້າຈະເຮັດໃຫ້ສະໜອງຂອງມະນຸດຈິນຕະນາການເຖິງຜົນລັບທີ່ດີທີ່ສຸດນັ້ນເອງ.