spot_img
Homeຂ່າວຕ່າງປະເທດມະນຸດຄົນທຳອິດຂອງໂລກ ໄດ້ຮັບການປູກຖ່າຍຫົວໃຈໝູ

ມະນຸດຄົນທຳອິດຂອງໂລກ ໄດ້ຮັບການປູກຖ່າຍຫົວໃຈໝູ

Published on

ຊາຍຊາວອາເມຣິກາໃນລັດແມຣີ່ແລນ ຂອງສະຫະລັດເປັນມະນຸດຄົນທຳອິດ ຂອງໂລກທີ່ໄດ້ຮັບການປູກຖ່າຍຫົວໃຈໝູ,  ເນື່ອງຈາກບໍ່ມີສິດໃນການຮັບບໍລິຈາກອາໄວຍະວະຂອງມະນຸດ ຍ້ອນວ່າມີອາຊີບຮັບຈ້າງທົ່ວໄປ.

ໃນວັນທີ 6 ມັງກອນ 2022 ຜ່ານມາ, ທີມແພດຜ່າຕັດຂອງມະຫາວິທະຍາໄລສູນການແພດໃນລັດແມຣີ່ແລນ ຂອງສະຫະລັດ ໄດ້ປູກຖ່າຍ ຫົວໃຈໝູ ໃຫ້ ທ້າວ ເດວິດ ເບນເນັດ ອາຍຸ 57 ປີ ເນື້ອງຈາກບໍ່ມີສິດໃນການຮັບບໍລິຈາກອາໄວຍະວະຂອງມະນຸດ ເຊິ່ງການຜ່າຕັດໃນຄັ້ງນີ້ຜ່ານໄປໄດ້ດ້ວຍດີ ແລະ ຮ່າງກາຍຂອງເບນເນັດນັ້ນ ກໍຟື້ນໂຕໄດ້ໂດຍບໍ່ຕ້ອງໃຊ້ເຄື່ອງຊ່ວຍຫາຍໃຈ ເຮັດໃຫ້ເຂົາເປັນມະນຸດຄົນທຳອິດຂອງໂລກ ທີ່ໄດ້ຮັບການປູກຖ່າຍອາໄວຍະວະຈາກສັດ.

ຫຼັງຈາກການຜ່າຕັດດົນເຖິງ 9 ຊົ່ວໂມງ ແລະ ຜ່ານມາ 4 ມື້ ກໍພົບວ່າ: ເຂົາຟຶ້ນໂຕໄດ້ດີ ຫາຍໃຈໄດ້ເອງ ແຕ່ຍັງຕ້ອງໃຊ້ອຸປະກອນຊ່ວຍປະຄອງຫົວໃຈທີ່ເອີ້ນວ່າ: ECMO ເພື່ອຊ່ວຍສູບເລືອດໄປທົ່ວຮ່າງກາຍນອກຈາກນີ້ແພດຍັງບອກຕື່ມອີກວ່າມັນຍັງໄວເກີນໄປທີ່ຈະຮູ້ຜົນວ່າ ການຜ່າຕັດໃນຄັ້ງນີ້ນີ້ໄດ້ຜົນ ຫຼື ບໍ່ ແຕ່ກໍຖືໄດ້ວ່າເປັນບາດກ້າວທີ່ສຳຄັນໃນການຊ່ວຍຊີວິດມວນມະນຸດ ໂດຍໃຊ້ອາໄວຍະວະທີ່ຖືກດັດແປງເຊື້ອສາຍຜ່ານການປູກຖ່າຍ ແລະ ສາມາດຕອບສະໜອງຕໍ່ຮ່າງກາຍຂອງມະນຸດໄດ້ດີ. ທັງນີ້ຍັງຊ່ວຍແກ້ໄຂປັນຫາການບໍລິຈາກອາໄວຍະວະຂອງມະນຸດອີກດ້ວຍ.

ອ້າງອີງຈາກ: BBC

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...