ທ້າວ ໂຈອັກຄີໂນ ແກມມິໂນ ໜຶ່ງໃນສະມາຊິກກຸ່ມມາເຟຍອີຕາລີຖືກຈັບກຸມໂດຍເຈົ້າໜ້າທີ່ຕຳຫຼວດ ຫຼັງຈາກມີພາບຂອງລາວປາກົດຢູ່ໃນແຜນທີ່ ໃນຕອນທີ່ກຳລັງຊື້ເຄື່ອງຢູ່ຮ້ານຄ້າໃນປະເທດແອັດສະປາຍ.
ອິງຕາມການລາຍງານຂອງສຳນັກຂ່າວຕ່າງປະເທດ ໄດ້ລາຍງານວ່າ: ທ້າວ ໂຈອັກຄີໂນ ແກມມິໂນ ລູກນ້ອງເຈົ້າພໍ່ມາເຟຍຊື່ດັງ ໄດ້ຫຼົບໜີການຈັບກຸມຂອງຕຳຫຼວດດົນກວ່າ 20 ປີ ແລະ ມາໃຊ້ຊີວິດຢູ່ງຽບໆ ກ່ອນທີ່ຈະໄດ້ເຮັດວຽກເປັນພໍ່ຄົວໃນຮ້ານອາຫານແຫ່ງໜຶ່ງ ໂດຍລາວໄດ້ໃຊ້ຊື່ປອມໃນການຫຼົບໜີການຈັບກຸມຂອງສາຍຕຳຫຼວດ ແຕ່ບັງເອີນເຈົ້າໜ້າທີ່ໄດ້ພົບເຫັນພາບຂອງລາວທີ່ ເມືອງກາລາປາກາ ປະເທດແອັດສະປາຍ.
ໂດຍທ້າວ ໂຈອັກຄີໂນ ແກມມິໂນ ຖືກຈັບກຸມເມື່ອວັນທີ 17 ທັນວາ 2021 ທີ່ຜ່ານມາ ແລະ ມີລາຍງານວ່າ: ລາວກໍຍັງຮູ້ສຶກມຶນງົງກັບສຶ່ງທີ່ເກີດຂຶ້ນ ເຖິງແມ່ນວ່າເຂົາຈະສາມາດຫຼົບໜີໄດ້ 20 ປີ ແລະ ບໍ່ໄດ້ຕິດຕໍ່ກັບທາງຄອບຄົວຂອງລາວດົນກວ່າ 10 ປີ ແຕ່ຍ້ອນຄວາມສາມາດຂອງເຈົ້າໜ້າ ຈື່ຈຳຮອຍແປ້ວໃຫຍ່ຢູ່ໃບໜ້າຈຶ່ງສາມາດບົ່ງໂຕໄດ້.
ຫຼັງຈາກນັ້ນ ທ້າວ ໂຈອັກຄີໂນ ແກມມິໂນ ຖືກຕັດສິນໂທດເຂົ້າຄຸກຕະຫຼອດຊີວິດ ຂໍ້ຫາເປັນຜູ້ກໍ່ການຮ້າຍ ລວມໄປເຖິງຂະບວນການຄ້າຢາເສບຕິດລາຍໃຫຍ່ອີກດ້ວຍ ແລະ ຍັງເປັນໜຶ່ງໃນລາຍຊື່ຜູ້ກໍ່ການຮ້າຍທີ່ເຈົ້າໜ້າທີ່ຕ້ອງການໂຕຫຼາຍທີ່ສຸດ.
ແຫຼ່ງຂ່າວ: Ladbible