ວັນທີ 28 ທັນວາ 2021 ສໍານັກຂ່າວ france24 ໄດ້ລາຍງານວ່າ ລັດຖະບານຝຣັ່ງໄດ້ເພີ່ມເງິນເດືອນໃຫ້ກັບບັນດາແພດໝໍທົ່ວປະເທດ ເລີ່ມຕັ້ງແຕ່ເດືອນມັງກອນ ປີ 2022 ເປັນຕົ້ນໄປ ເພື່ອເປັນການສະແດງຄວາມຂອບໃຈ ແລະ ຕອບແທນແພດໝໍທຸກຄົນທີ່ຕ້ອງພົບກັບສະຖານະການທີ່ຍາກລໍາບາກໃນຊ່ວງໂຄວິດ-19.
ນາຍົກລັດຖະມົນຕີຝຣັ່ງ Jean Castex ໄດ້ປະກາດວ່າທາງລັດຖະບານຈະເພີ່ມເງິນເດືອນ 100 ຢູໂຣ ຫຼື ປະມານ 1,330,000 ກີບ ໃຫ້ກັບແພດໝໍພະແນກຜູ້ປ່ວຍສຸກເສີນທຸກຄົນ ເປັນຄ່າຊົດເຊີຍທີ່ພວກເຂົາໄດ້ເຮັດວຽກໜັກ ແລະ ຕົກຢູ່ໃນສະຖານະການທີ່ມີຄວາມສ່ຽງໃນຊ່ວງການແຜ່ລະບາດຂອງພະຍາດໂຄວິດ-19.
ຢ່າງໃດກໍດີ, Oliver ນາຍົກລັດຖະມົນຕີກະຊວງສາທາລະນະສຸກໄດ້ອອກມາບອກວ່າ ພວກເຂົາຈໍາເປັນຕ້ອງເພີ່ມເງິນເດືອນໃຫ້ກັບບັນດາແພດໝໍເພື່ອປ້ອງກັນການຂາດແຄນບຸກຄະລາກອນທາງດ້ານການແພດ ເນື່ອງຈາກມີການແຜ່ກະຈາຍຢ່າງໄວວາຂອງເຊື້ອໂຄວິດ-19 ສາຍພັນໂອມີຄອນ ເປັນສາເຫດທີ່ເຮັດໃຫ້ປະເທດຝຣັ່ງມີຜູ້ຕິດເຊື້ອເພີ່ມຂຶ້ນເຖິງຫຼັກແສນຄົນໃນຊ່ວງອາທິດທີ່ຜ່ານມາ.