ເວັບໄຊ ບີບີຊີ ລາຍງານ: ພະນັກງານຂອງອົງການຊ່ວຍເຫຼືອເດັກສາກົນໃນມຽນມາຫາຍຕົວໄປແບບໄຮ້ຮ່ອງຮອຍ ພາຍຫຼັງທາງກອງທັບບຸກໂຈມຕີໃນລັດກະຍາ ພາກຕາເວັນອອກຂອງມຽນມາໃນວັນທີ 24 ທັນວາ 2021 ຜ່ານມາ ເຮັດໃຫ້ມີຜູ້ເສຍຊີວິດເບື້ອງຕົ້ນ 38 ຄົນ.
ທ່ານ ນາງ ອິງເກີ ແອັສຊິງ, ຫົວໜ້າຝ່າຍບໍລິຫານອົງການຊ່ວຍເຫຼືອເດັກສາກົນໃນມຽນມາ ກ່າວວ່າ ພະນັກງານການກຸສົນສອງຄົນເດີນທາງກັບບ້ານໃນຊ່ວງວັນພັກ ພ້ອມໄດ້ຂ່າວວ່າພວກເຂົາຖືກຈັບ ແລະຍັງຫາຍຕົວໄປແບບໄຮ້ຮ່ອງຮອຍ ພ້ອມຢືນຢັນວ່າລົດຂອງພະນັກງານຜູ້ຖືກເຄາະຮ້າຍຖືກໂຈມຕີ ແລະຖືກໄຟໄໝ້.
“ພວກເຮົາຮູ້ສຶກຕົກໃຈກັບຄວາມຮຸນແຮງທີເກີດຂຶ້ນຕໍ່ພົນລະເຮືອນຜູ້ບໍລິສຸດ ແລະພະນັກງານຂອງພວກເຮົາ ເຊິ່ງອຸທິດຕົນເພື່ອມະນຸດສະທຳ ແລະຊ່ວຍເຫຼືອເດັກນ້ອຍຫຼາຍລ້ານຄົນໃນມຽນມາ.” ທ່ານ ນາງ ອິງເກີ ແອັສຊິງ ກ່າວ.
ຢ່າງໃດກໍຕາມ, ອົງການຊ່ວຍເຫຼືອເດັກສາກົນໃນມຽນມາຈະມີການດຳເນີນການສືບສວນ-ສອບສວນຫາສາເຫດການຫາຍຕົວໄປຂອງພະນັກງານຕົນຕໍ່ໄປ.