ສໍານັກຂ່າວຕ່າງປະເທດ ໄດ້ລາຍງານວ່າໃນວັນທີ 19 ທັນວາ 2021 ສໍານັກຄົມມະນາຄົມ ແລະ ໜ່ວຍງານຕໍາຫຼວດເມືອງຫູເປີຍທາງພາກກາງຂອງປະເທດຈີນ ໄດ້ເປີດເຜີຍຈໍານວນຜູ້ບາດເຈັບຈາກເຫດການສະພານລອຍຖະຫຼົ່ມເຮັດໃຫ້ມີຜູ້ເສຍຊີວິດ 4 ຄົນ ແລະ ບາດເຈັບ 8 ຄົນ.
ອຸບັດຕິເຫດນີ້ເກີດຂຶ້ນໃນວັນເສົາທີ 18 ເວລາ 15:36 ໂດຍສະພານລອຍໄດ້ມີການຖະຫຼົ່ມລົງມາເຄິ່ງໜຶ່ງເຮັດໃຫ້ລົດບັນທຸກພິກຄວໍ້າຕົກສະພານ ແລະ ເຮັດໃຫ້ສະພານທີ່ຖະຫຼົ່ມລົງມາທັບຢ່າງຮຸນແຮງ ແລະ ເຮັດໃຫ້ລົດຕິດເປັນເວລາດົນ.
ໃນການລາຍງານໄດ້ລະບຸວ່າໃນຂະນະທີ່ເກີດເຫດມີຄົນງານປະຕິບັດໜ້າທີ່ຢູ່ ແລະ ໄດ້ພົບເຫັນລົດບັນທຸກທີ່ມີນໍ້າໜັກເກີນ ຕົກຈາກສະພານລອຍເຮັດໃຫ້ຂາດເປັນສອງທ່ອນ. ຜູ້ວ່າການ ແລະ ຮອງຜູ້ວ່າການມົນທົນຫູເປີຍໄດ້ເດີນທາງໄປຍັງບ່ອນເກີດເຫດເພື່ອສັ່ງການປະຕິບັດການກູ້ໄພ ທາງດ້ານຕໍາຫຼວດຈະລາຈອນ ແລະ ນັກດັບເພີງຍັງຄົງປະຕິບັດໜ້າທີ່ໃຫ້ຄວາມຊ່ວຍເຫຼືອສຸກເສີນ. ນອກຈາກນີ້, ຍັງໄດ້ມີການສືບສວນຫາສາເຫດຂອງການເກີດເຫດຄັ້ງນີ້ຢ່າງລະອຽດ.