ຜູ້ລີ້ໄພຊາວໂຣຮິງຍາໃນສະຫະລັດອາເມລິກາ ແລະ ອັງກິດ ໄດ້ຮວມກຸ່ມກັນຮ້ອງຟ້ອງເຟສບຸກ ເພື່ອຮຽກຮ້ອງຄ່າເສຍຫາຍປະມານ 1.5 ແສນລ້ານດອລລາ ຈາກກໍລະນີທີ່ເຟສບຸກບໍ່ຍອມລົບໂພສທີ່ກ່ຽວກັບການສ້າງຄວາມກຽດຊັງ ຫຼື Hate Speech ເຊິ່ງຖືເປັນສ່ວນໜຶ່ງທີ່ເຮັດໃຫ້ເກີດການຂ້າລ້າງເຜົ່າພັນຊາວໂຣຮິງຍາໃນປະເທດມຽນມາ.
ໂດຍເອກະສານການຮ້ອງຟ້ອງທີ່ຍື່ນຕໍ່ສານນັ້ນໄດ້ລະບຸວ່າ: ເຟສບຸກຍອມແລກຊີວິດຂອງຊາວໂຣຮິງຍາເພື່ອໃຫ້ໄດ້ມາເຊິ່ງການເຈາະຕະຫຼາດໃນກຸ່ມປະເທດນ້ອຍໆ (ມຽນມາ) ໃນອາຊີຕາເວັນອອກສ່ຽງໃຕ້ ເຊິ່ງໃນທ້າຍທີ່ສຸດເຟສບຸກເອງກໍບໍ່ໄດ້ຫຍັງຈາກມຽນມາ ແຕ່ຊາວໂຣຮິງຍາພັດຕ້ອງປະເຊີນກັບຜົນກະທົບຫຼາຍທີ່ສຸດ ເຖິງຢ່າງນັ້ນກໍຕາມເຖິງແມ່ນວ່າເຟສບຸກຈະຮູ້ເລື່ອງນີ້ ແລະ ມີເຄື່ອງມືໃນການແກ້ໄຂ ແຕ່ກໍຍັງເພິກເສຍຕໍ່ກັບເຫດການດັ່ງກ່າວ.
ຂໍ້ກ່າວຫາທີ່ຟ້ອງຮ້ອງຕໍ່ສານແມ່ນໄດ້ແກ່:
- ການເຜີຍແຜ່ຂອງເຟສບຸກຊ່ວຍແຜ່ກະຈາຍໂພສທີ່ສ້າງຄວາມກຽດຊັງຕໍ່ຊາວໂຣຮິງຍາ
- ເຟສບຸກບໍ່ຍອມລົງທຶນຈ້າງນັກກວດສອບຂໍ້ເທັດຈິງໃນມຽນມາທີ່ເຂົ້າໃຈສະຖານນະການການເມືອງເປັນຢ່າງດີ
- ເຟສບຸກບໍ່ຍອມລົບໂພສ ແລະ ບັນຊີທີ່ປຸກລະດົມ ແລະ ບັນຊີທີ່ປຸຫລະດົມຄວາມກຽດຊັງຕໍ່ກັບຊາວໂຣຮິງຍາ
- ເຟສບຸກບໍ່ໄດ້ມີມາດຕະການອອກມາຢ່າງເໝາະສົມ ແລະ ທັນເວລາ ເຖິງແມ່ນວ່າຈະມີຄໍາເຕືອນຈາກອົງກອນ ແລະ ສື່ສໍານັກຂ່າວຕ່າງໆກໍຕາມ
ແລະ ທາງເຟສບຸກຍັງບໍ່ໄດ້ອອກມາໂຕ້ຕອບໃດໆກັບຂໍ້ກ່າວຫາດັ່ງກ່າວ.
ແຫຼ່ງຂ່າວ: Thematter