ຄວາມລໍ້າໜ້າທາງດ້ານວິທະຍາສາດ ແມ່ນແຕ່ກ້ອງຖ່າຍຮູບກໍຍັງໄດ້ຮັບການອອກແບບໃຫ້ມີຂະໜາດນ້ອຍລົງເລື້ອຍໆ ຈົນເທົ່າເມັດເກືອ ແຕ່ສາມາດຖ່າຍຮູບໄດ້ຢ່າງມີຄຸນນະພາບຢ່າງໜ້າເຫຼືອເຊື່ອ ແລະດີກວ່າກ້ອງອັນຕຣາຄອມແພັກຍີ່ຫໍ້ອື່ນໆນຳອີກ.
ເວັບໄຊ Science Alert ລາຍງານ: ກ້ອງດັ່ງກ່າວໄດ້ຮັບການພັດທະນາໂດຍທ່ານ Ethan Tseng, ນັກວິທະຍາສາດຄອມພິວເຕີ ຈາກມະຫາວິທະຍາໄລພຣິນສ໌ຕັນດ ລັດນິວເຈີຊີ, ສະຫະລັດອາເມລິກາ, ດ້ວຍການນຳໃຊ້ເຕັກໂນໂລຢີໃນນາມ ແມ່ເຫຼັກໄຟຟ້າ ເຊິ່ງປົກຄຸມດ້ວຍເສົາຮູບຊົງກະບອກຈຳນວນ 1,6 ລ້ານຊິ້ນ ເຮັດໃຫ້ກ້ອງຂະໜາດນ້ອຍລຸ້ນໃໝ່ນີ້ສາມາດຖ່າຍພາບສີເຕັມຮູບແບບໄດ້ເທົ່າກັບພາບຖ່າຍດ້ວຍເລນທົ່ວໄປ ເຊິ່ງມີຂະໜາດໃຫຍ່ກວ່າກ້ອງລຸ້ນໃໝ່ນີ້ຫຼາຍລ້ານເທົ່າ. ສຳລັບເຄັດລັບພິເສດຢ່າງໜຶ່ງຂອງຕົວກ້ອງນັ້ນກໍຄື ການປະສົມປະສານຮາດແວຣ໌ເຂົ້າກັບການປະມວນຜົນ ທັງມີການນຳໃຊ້ຊອຟແວຣ໌ຢ່າງມີປະສິດທິພາບເພື່ອປັບປຸງການມອງເຫັນ.
ກ້ອງຂະໜາດນ້ອຍນີ້ຈະເປັນປະໂຫຍດຢ່າງຍິ່ງສຳລັບໃຊ້ກັບຫຸ່ນຍົນຂະໜາດນ້ອຍໃນການສຳຫຼວດໂລກ ລວມເຖິງສາມາດນຳໃຊ້ເພື່ອກວດຈັບວັດຖຸສະເພາະທີ່ກ້ອງກຳລັງຄົ້ນຫາໂດຍອັດຕະໂນມັດ ໂດຍສະເພາະກໍແມ່ນສັນຍານຂອງພະຍາດຕ່າງໆໃນຮ່າງກາຍຂອງມະນຸດ.