ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ບາກບາດິດ ປະກາດປ່ຽນແປງສະຖານະພາບເປັນສາທາລະນະລັດ ໃນວັນອັງຄານທີ່ຜ່ານມາ ແລະ ຍຸຕິຄວາມສໍາພັນຍຸກອານານິຄົມກັບລາຊະວົງອັງກິດ ພ້ອມກັບປົດສົມເດັດພະລາຊີນີອາລິດສະເບດທີ 2 ອອກຈາກການເປັນປະມຸກແຫ່ງລັດຂອງຕົນອີກດ້ວຍ.
ທ່ານ ຊານດຣາ ເມສັນ ຜູ້ຊະນະການເລືອກຕັ້ງທົ່ວໄປຂອງບາກບາດິດໃນເດືອນທີ່ຜ່ານມາເຂົ້າພິທີຮັບຕໍາແໜ່ງປະທານາທິບໍດີຄົນທໍາອິດຂອງປະເທດ ໂດຍມີການກ່າວໃນພິທີຮັບຕໍາແໜ່ງວ່າ: “ສາທາລະນະລັດບາກບາດິດ ໄດ້ເລີ່ມຕົ້ນການອອກເດີນເຮືອຄັ້ງທໍາອິດ ໃນຖານະປະເທດທີ່ເປັນອິດສະຫຼະແລ້ວ”
ພິທີດັ່ງກ່າວມີແຂກເຂົ້າຮ່ວມຢ່າງຫຼວງຫຼາຍ ລວມໄປເຖິງເຈົ້າຊາຍຊາ ແຫ່ງລາຊະວົງອັງກິດ ກໍໄດ້ເຂົ້າຮ່ວມພິທີສໍາຄັນນີ້ດ້ວຍ ເຊິ່ງພິທີດັ່ງກ່າວຈັດຂຶ້ນໃນມື້ຄົບຮອບ 55 ປີ ຫຼັງຈາກທີ່ບາກບາດິດ ປະກາດອິດສະຫຼະພາບຈາກອັງກິດ
ໃນການລາຍງານຂ່າວໄດ້ລະບຸວ່າ: ເຈົ້າຊາຍຊາ ໄດ້ສະແດງຄວາມຂອບໃຈຕໍ່ກັບເຈົ້າໜ້າທີ່ລັດຖະບານຂອງບາກບາດິດ ສໍາລັບການເຊີນໃຫ້ເຂົ້າຮ່ວມງານ ແລະ ຍັງມີຄໍາໂອວາດຄື: “ການກໍາເນີດຂອງສາທາລະນະລັດແຫ່ງນີ້ ຄື ການເລີ່ມຕົ້ນໃໝ່”