spot_img
Homeຂ່າວຕ່າງປະເທດຫຼາຍປະເທດໃນອາຊີ ອອກຂໍ້ຈຳກັດການເດີນທາງໃໝ່ເພື່ອເຝົ້າລະວັງ "ໂອມີຄຣອນ"

ຫຼາຍປະເທດໃນອາຊີ ອອກຂໍ້ຈຳກັດການເດີນທາງໃໝ່ເພື່ອເຝົ້າລະວັງ “ໂອມີຄຣອນ”

Published on

ຫຼາຍປະເທດໃນອາຊີປາຊີຟິກ ເຊັ່ນ ຍີ່ປຸ່ນ, ຟີລິບປິນ, ສິງກະໂປ ລວມທັງອົດສະຕາລີ ໄດ້ມີການນຳໃຊ້ ຫຼື ພິຈາລະນາຂໍ້ຈຳກັດການເດີນທາງຄັ້ງໃໝ່ທີ່ເຂັ້ມງວດຂຶ້ນ ພ້ອມຂະຫຍາຍເວລາເປີດປະເທດ ທັງນີ້ເພື່ອເພື່ອເປັນການປ້ອງກັນພະຍາດໂຄວິດສາຍພັນໃໝ່ ຢ່າງ “ໂອມີຄຣອນ”.

ເວັບໄຊ Aljazeera ລາຍງານວ່າ: ຍີ່ປຸ່ນປະກາດຫ້າມນັກທ່ອງທ່ຽວຕ່າງປະເທດເດີນທາງເຂົ້າຍີ່ປຸ່ນໃນອາທິດຜ່ານມາ ທັງທີ່ຫາກໍອອກນະໂຍບາຍຜ່ອນຜັນຂໍ້ຈຳກັດການເດີນທາງສຳລັບຜູ້ຖືວິຊາ ລວມເຖິງນັກເດີນທາງເພື່ອທຸລະກິດໄລຍະສັ້ນ ແລະນັກສຶກສາ ຂະນະທີ່ອົດສະຕາລີ ກໍໄດ້ປະກາດເລື່ອນກຳນົດການອະນຸຍາດໃຫ້ຜູ້ເດີນທາງ ແລະນັກສຶກສາເຂົ້າປະເທດຈົນຮອດວັນທີ 15 ທັນວາ. ສຳລັບຟີລິບປິນກໍໄດ້ອອກຂໍ້ຈຳກັດໃໝ່ ໂດຍສັ່ງຫ້າມບໍ່ໃຫ້ນັກເດີນທາງຈາກ 7 ປະເທດໃນເອີຣົບ ເຂົ້າປະເທດຂອງຕົນໄດ້, ສ່ວນສິງກະໂປ ກໍໄດ້ເລື່ອນການເປີດ “ຊ່ອງທາງການເດີນທາງ” ທີ່ຍົກເວັ້ນການກັກຕົວສຳລັບປະເທດສະຫະລັດອາຫຼັບເອມີເຣດ, ກາຕ້າ, ແລະ ຊາອຸດີ ອາຣາເບຍ.

ການປະກາດດັ່ງກ່າວສືບເນື່ອງມາຈາກການຄົ້ນພົບສາຍພັນໂອມີຄຣອນ ເຊິ່ງເຊື່ອວ່າເປັນພະຍາດໂຄວິດສາຍພັນໃໝ່ທີ່ມີຄວາມໄວໃນການແຜ່ເຊື້ອສູງກວ່າສາຍພັນເດລຕ້າ ເຮັດໃຫ້ຫຼາຍປະເທດມີຄວາມກັງວົນ ພ້ອມກຽມຮັບມືໃນການປ້ອງກັນບໍ່ໃຫ້ພະຍາດດັ່ງກ່າວລະບາດເປັນວົງກວ້າງ.

ບົດຄວາມຫຼ້າສຸດ

ໄຂຂຶ້ນຢ່າງເປັນທາງການ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ໃນລະຫວ່າງວັນທີ 20-25 ມັງກອນ 2026

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 20 ມັງກອນ 2026 ຢູ່ຫໍປະຊຸມແຫ່ງຊາດ ນະຄອນ ຫລວງຮ່າໂນ້ຍ ແລະ ຈະດໍາເນີນໄປຈົນຮອດ ວັນທີ...

ຈາກ Land-Locked ສູ່ Land-Linked! “ບຼູດອດ” ເປີດວິໄສທັດ, ປູພົມເຊື່ອມຕໍ່ການເດີນທາງ 100 ສະຖານີທົ່ວລາວ ສ້າງທາງດ່ວນສີຂຽວ “Border to Border”

ໃນໄລຍະເດືອນ ພະຈິກ 2025 ການເປີດໂຕສະຖານີໃຫຍ່ທີ່ຈຸດພັກລົດເຊໂນ ເປັນພຽງຈຸດເລີ່ມຕົ້ນຂອງພາລະກິດອັນຍິ່ງໃຫຍ່! ມື້ນີ້ "ບຼູດອດ (BlueDot)" ປະກາດວິໄສທັດທີ່ຈະປ່ຽນໂສມໜ້າການເດີນທາງ ແລະ ການຂົນສົ່ງຂອງ ສປປ ລາວ ໄປຕະຫຼອດການ. ຈາກປັດຈຸບັນທີ່ຄວບຄຸມແລ້ວ 50 ກວ່າສະຖານີ ແລະ ມີຈຳນວນຫົວສາກຫຼາຍທີ່ສຸດໃນລາວ, ບຼູດອດ...

ເງິນເດືອນທະຫານໃນປີ 2026 ກະຊວງປ້ອງກັນປະເທດແຈ້ງການ ກ່ຽວກັບຈັດຕັ້ງປະຕິບັດເງິນເດືອນຂອງນາຍ ແລະ ພົນທະຫານຢູ່ກອງທັບປະຊາຊົນລາວ

ອີງຕາມແຈ້ງການກ່ຽວກັບການຈັດຕັ້ງປະຕິບັດເງິນເດືອນຂອງນາຍ ແລະ ພົນທະຫານ ຢູ່ກອງທັບປະຊາຊົນລາວ ຂອງກະຊວງປ້ອງກັນປະເທດ ເລກທີ 134/ກປທ. ນະຄອນຫຼວງວຽງຈັນ, ວັນທີ 16/01/26 ເພື່ອຮັບປະກັນໃນການຈັດຕັ້ງປະຕິບັດເງິນເດືອນ ຂອງນາຍ ແລະ ພົນທະຫານໃຫ້ມີຄວາມເປັນເອກະພາບໃນທົ່ວກອງທັບ....

ປົກປັກຮັກສາມໍລະດົກວັດທະນະທຳ ການສະແດງຟ້ອນ ພະລັກ-ພະລາມ ໂດຍກະຊວງວັດທະນະທຳ ແລະ ການທ່ອງທ່ຽວ ຮ່ວມກັບ ສະຖານເອກອັກຄະລັດຖະທູດ ອິນເດຍ ປະຈໍາລາວ

ພິທີລົງນາມເອກະສານວ່າດ້ວຍການຈັດຕັ້ງປະຕິບັດໂຄງການ ປົກປັກຮັກສາການສະແດງຟ້ອນ ພະລັກ-ພະລາມ ແລະ ການພັດທະນາບຸກຄະລາກອນຮຸ່ນສືບທອດຂອງວິທະຍາໄລສິລະປະແຫ່ງຊາດ ໄດ້ຈັດຂື້ນໃນວັນທີ 19 ມັງກອນ 2026 ທີ່ກະຊວງວັດທະນະທຳ ແລະ ການທ່ອງທ່ຽວ. ໂດຍການລົງນາມຂອງ ທ່ານ ວັນສີ...