Homeຂ່າວທ້ອງຖິ່ນຂໍລອງຂັບແຕ່ເມື່ອໄດ້ກະແຈແລ້ວຂັບລົດໜີເລີຍ!

ຂໍລອງຂັບແຕ່ເມື່ອໄດ້ກະແຈແລ້ວຂັບລົດໜີເລີຍ!

Published on

ເຕືອນ! ຕິດຕໍ່ຊື້ລົດມືສອງທົດລອງຂັບ ແຕ່ຜູ້ຖືກຫາຂັບຂີ່ລົດໜີ

ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນໃຫ້ຮູ້ວ່າ: ຈາລະຈອນ ພະແນກຕຳຫຼວດ ກອງບັນຊາການ ປກສ ເມືອງສີໂຄດຕະບອງ ນວ ລາຍງານ ເມື່ອເວລາ 14:00 ໂມງ ວັນທີ 24 ພະຈິກ 2021, ໄດ້ຮັບແຈ້ງທາງໂທລະສັບຈາກ ເຈົ້າຂອງຮ້ານຂາຍລົດບຸນມາ ຕັ້ງຢູ່ບ້ານດົງນາທອງ ວ່າ: ເວລາ 13:50 ໂມງ, ມີແມ່ຍິງຄົນໜຶ່ງ ມາອ້າງວ່າຈະຂໍຊື້ລົດເກງຍີ້ຫໍ້ໂຕໂຍຕ້າແຄມມີລີ ສີດຳ ປ້າຍທະບຽນ ຄຮ 7773 ກຳແພງນະຄອນ ແຕ່ໄດ້ຂໍທົດລອງຂັບ ພາຍຫຼັງໄດ້ກະແຈແລ້ວໄດ້ຂັບຂີ່ລົດໜີໄປ.

ຫຼັງຈາກໄດ້ຮັບແຈ້ງຄວາມ ພະແນກຕຳຫຼວດ ປກສ ເມືອງສີໂຄດຕະບອງ ນວ, ຈິ່ງໄດ້ລົງຕິດຕາມຈຶ່ງຮູ້ໄດ້ວ່າ: ຜູ້ກໍ່ເຫດເປັນແມ່ຍິງມາຄົນດຽວ ໂດຍອ້າງວ່າຈະມາຊື້ລົດ ພະນັກງານທີ່ປະຈຳຢູ່ຮ້ານ ແລະ ພໍ່ຂອງເຈົ້າຂອງຮ້ານ ຈຶ່ງໄດ້ຫຼົງເຊື່ອ ຈຶ່ງໄດ້ເອົາກະແຈລົດໃຫ້ທົດລອງຂັບ ແຕ່ແມ່ຍິງຄົນນັ້ນພັດຂັບຂີ່ໜີອອກໄປເລີຍ, ພາຍຫຼັງຮູ້ຕົວເປົ້າໝາຍຜູ້ກໍ່ເຫດແລ້ວ ຮອດເວລາ 19:00ໂມງ ຂອງວັນດຽວກັນ ເຈົ້າໜ້າທີ່ພະແນກຕຳຫຼວດ ປກສ ເມືອງສີໂຄດຕະບອງ ຈຶ່ງເຂົ້າຈັບຕົວຜູ້ກໍ່ເຫດໄດ້, ຊາບຊື່ພາຍຫຼັງ ນາງ ຈັນແສງ ອາຍຸ 31 ປີ ບ້ານ ນາສ້ຽວ ເມືອງນາຊາຍທອງ ນະຄອນຫຼວງວຽງຈັນ, ພ້ອມຂອງກາງລົດເກງ ຍິ້ຫໍ້ໂຕໂຍຕ້າ ແຄມມິລີ ສີດຳ ປ້າຍທະບຽນ ຄຮ 7773 ກຳແພງນະຄອນ ຄັນດັ່ງກ່າວ.

ປັດຈຸບັນໄດ້ນຳຕົວຜູ້ກ່ຽວມາກັກກັນ ເພື່ອກວດກາຫາເຊື້ອພະຍາດໂຄວິດ-19 ຢູ່ກອງບັນຊາການ ປກສ ເມືອງສີໂຄດຕະບອງ, ຫຼັງຈາກຄົບກຳນົດເວລາທີ່ຄະນະສະເພາະກິດກຳນົດໄວ້ແລ້ວ ຈິ່ງຈະໄດ້ດຳເນີນຄະດີຕໍ່ຜູ້ກ່ຽວຕາມລະບຽບກົດໝາຍ.

ບົດຄວາມຫຼ້າສຸດ

ສົ່ງຕົວແກ້ງຄໍເຊັນເຕີກັບຈີນ ກົມຕໍາຫຼວດຄຸ້ມຄອງຄົນຕ່າງປະເທດ ສົ່ງຕົວແກ້ງຄໍເຊັນເຕີ ຈໍານວນ 485 ຄົນ ໃຫ້ທາງການຈີນ ນຳໄປດຳເນີນຄະດີ ຫຼັງຈາກຖືກຈັບກຸມຢູ່ ສປປ ລາວ

ໃນວັນທີ 13 ພຶດສະພາ 2026 ຢູ່ດ່ານສາກົນບໍ່ເຕັນ ແຂວງຫຼວງນໍ້າທາ, ກົມຕໍາຫຼວດຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ ກະຊວງ ປກສ ຮ່ວມກັບສູນຮ່ວມມືວຽກງານຕໍາຫຼວດລາວ-ຈີນ ໄດ້ມອບ-ຮັບຕົວພວກຖືກຫາທີ່ເປັນຄົນສັນຊາດຈີນ ຈໍານວນ 485...

ເອກະພາບໃນການປັບປຸງເສັ້ນທາງ ຈຳປາສັກ-ຊຽງແຕງ (ກຳປູເຈຍ) ເຫັນດີ ຈັບມືປັບປຸງເສັ້ນທາງດ່ານສາກົນ ໜອງນົກຂຽນ-ຕໍປຽງກຣຽນ  ຖືເປັນບາດກ້າວສຳຄັນ ແລະ ເສີມສ້າງສາຍພົວພັນມິດຕະພາບ.

ໃນວັນທີ 11 ພຶດສະພາ 2026, ທ່ານ ປອ ອາລຸນໄຊ ສູນນະລາດ, ເລຂາພັກແຂວງ, ປະທານສະພາປະຊາຊົນແຂວງຈຳປາສັກ ໄດ້ລົງພື້ນທີ່ຕິດຕາມ ແລະ ຊີ້ນຳການກະກຽມສ້ອມແປງເສັ້ນທາງແຕ່ ດ່ານສາກົນໜອງນົກຂຽນ...

ຊົມເຊີຍເຈົ້າໜ້າທີ່ຕຳຫຼວດ! ໃນການຕິດຕາມກວດກາ ແລະ ສະກັດກັ້ນບັນດາກຸ່ມອາຊະຍາກຳທາງເຕັກໂນໂລຊີ ຫຼື ແກ້ງສໍ້ໂກງຊັບທາງໂທລະຄົມ ທີ່ລັກລອບເຂົ້າມາເຄື່ອນໄຫວຜິດກົດໝາຍຢູ່ ສປປ ລາວ.

ໃນຍຸກທີ່ເຕັກໂນໂລຊີດິຈິຕອນ ແລະ ອິນເຕີເນັດໄດ້ກາຍເປັນສ່ວນໜຶ່ງທີ່ຂາດບໍ່ໄດ້ໃນຊີວິດປະຈຳວັນ, ໄພຂົ່ມຂູ່ຈາກແກ້ງສໍ້ໂກງຊັບທາງໂທລະຄົມ (Call Center) ຫຼື ອາຊະຍາກຳທາງເຕັກໂນໂລຊີ ໄດ້ຂະຫຍາຍຕົວຢ່າງວ່ອງໄວ ແລະ ກາຍເປັນໜຶ່ງໃນໄພຄຸກຄາມທີ່ຮ້າຍແຮງທີ່ສຸດຕໍ່ຄວາມໝັ້ນຄົງຂອງຊາດ, ເສດຖະກິດ ແລະ ສັງຄົມໃນທົ່ວໂລກ...