1.ກ້ອງຕາດຳຄລ້ຳ ເຊື່ອແນ່ວ່າ ສາເຫດທຳອິດທີ່ຫລາຍຄົນນຶກເຖິງຄື ນອນຫລັບພັກຜ່ອນບໍ່ພຽງພໍ ເພາະໃດ້ຈະຕ້ອງເບິ່ງແຍງທັງລູກ ຜົວ ຫລື ຮັບຜິດຊອບງານປະຈຳທີ່ຕ້ອງຈັດສັນໃຫ້ລົງຕົວ ແຕ່ຜົນວິໄຈຈາກ Sydney’s Nature Care Collage ຢືນຢັນວ່າ ນັ້ນເປັນແຕ່ສາເຫດສ່ວນຫນຶ່ງເທົ່ານັ້ນ ເພາະບາງທີກ້ອງຕາດຳຄ້ຳອາດເກີດຈາກໝາກໄຂ່ຫລັງຕອງຂອງເສຍເຮັດວຽກບົກຜ່ອງຈົນເຮັດໃຫ້ໃຕ້ຕາດຳ ຄ້ຳໄດ້ເຊັ່ນກັນ
2. ເມື່ອຍຕຶງສົ້ນນ່ອງ ແລະ ຂໍ້ພັບຕີນ ສາເຫດທີ່ພົບເລື້ອຍໆ ນອກຈາກຈະເກີດຈາກການຢືນດົນໆ ຫລື ຍ່າງຫລາຍແລ້ວ ເປັນໄປໄດ້ວ່າ ກຳລັງເປັນພະຍາດຂໍ້ເຂົ່າເສື່ອມ ໂດຍຈະມີອາການຮ່ວມພື້ນຖານຄື ມີສຽງດັງໃນເວລາເຫນັງຂໍ້ຕີນ ຫລື ເຂົ່າຂົດຮູບຮ່າງຜິດປົກກະຕິ ໂດຍສະເພາະຖ້າທ່ານອາຍຸ 40 ຫລືຫລາຍກວ່າ 40 ໄປແລ້ວ ຄວນຮີບໄປປຶກສາແພດດ່ວນ
3. ຍ່ຽວຜິດປົກກະຕິ ຖ້າທ່ານລຸກເຂົ້າຫ້ອງນ້ຳຍ່ຽວຖີ່ຜິດປົກກະຕິ ຫ ລືສັງເກດວ່າມີມົດຂຶ້ນ ຮ່ວມກັບອາການຫິວເລື້ອຍໆ ຄັນຕາມຕົວບາດນານເຊົາ ແລະ ມີໂອກາດສ່ຽງເຂົ້າເປັນສະມາຊິກຂອງສະມາຄົມພະຍາດເບົາຫວານຄົນໃໝ່ ແຕ່ຖ້າຍ່ຽວຂັດໆ ຫລື ເປັນເລືອດຈົ່ງຮີບໄປຫາໝໍ ເພາະຫມາກໄຂ່ຫລັງ ຫລື ກະເພາະຍ່ຽວກຳລັງມີບັນຫາ
4. ຜິວຈືດ ຟົກຊ້ຳງ່າຍ ອາດເປັນສັນຍານເຕືອນວ່າ ຮ່າງກາຍຂອງເຈົ້າກຳລັງຂາດທາດເຫລັກ ຊຶ່ງເປັນອົງປະກອບສຳຄັນໃນການສ້າງເມັດເລືອດ ແຕ່ກໍມີອາການສ່ຽງຂອງພະຍາດຮ້າຍແຮງ ເຊັ່ນ ມະເຮັງໃນເມັດເລືອດ ຫລື ລູຄີເມຍໄດ້ ຊຶ່ງຢ່າງຫລັງນີ້ມັກເກີດກັບອາການເໜື່ອຍງ່າຍເລືອດອອກທາງຜິວໜັງງ່າຍ ໂດຍບໍ່ຮູ້ສາເຫດ
5. ຝ່າຕີນຈີດເຫລືອງ ແພດແຜນຈີນເຊື່ອວ່າ ຄົົນທີ່ຝ່າຕີນຈີນເຫລືອງ ຮ່າງກາຍບໍ່ແຂງແຮງ ມີຄວາມຜິດປົກກະຕິກ່ຽວກັບເລືອດ ຫລື ການເຮັດວຽກງານຂອງຕັບບໍ່ສົມດຸນ ສ່ວນການແພດແຜນປະຈຸບັນສັນນິດຖານວ່າ ອາດມີພາວະເລືອດຈາງ
6. ເລັບບາງ ແລະ ຜິດປົກກະຕິ ເກີດຈາກຮ່າງກາຍໄດ້ ຮັບແຄຊຽມບໍ່ພຽງພໍ ແຕ່ຄວາມຜິດປົກກະຕິຂອງເລັບບາງບາງທີ່ ກໍເກິດຈາກຄວາມຜິດປົກກະຕິຂອງອະໄວຍະວະສຳຄັນໄດ້ ເຊັ່ນ ຖ້າມີເລັບສີຂາວເກີນກວ່າຄຶ່ງອາດມີອາການຜິດປົກກະຕິຂອງຕັບ ແລ ະຫມາກໄຂ່ຫລັງ