ມາໂກະ ໂຄມຸໂຣະ, ອະດີດເຈົ້າຍິງຍີ່ປຸ່ນທີ່ຍອມລະຫຼະສະຖານະພາບຣາຊະວົງ ເພື່ອແຕ່ງດອງກັບ ເຄຍ໌ ໂຄມຸໂຣະ, ຄູ່ຮັກໄວຮຽນທີ່ເປັນສາມັນຊົນ ໄດ້ເດີນທາງໄປໃຊ້ຊີວິດຢູ່ຕ່າງແດນ ຢ່າງສະຫະລັດອາເມລິກາ ເພື່ອໜີຈາກຄວາມວຸ້ນວາຍພາຍໃຕ້ຫາງສຽງວິພາກວິຈານໃນເລື່ອງຄວາມຮັກຂອງທັງສອງ.
ແຫຼ໋ງຂ່າວ TOKYO ລາຍງານ: ມາໂກະ ໂຄມຸໂຣະ ແລະ ເຄຍ໌ ໂຄມຸໂຣະ ຈົດທະບຽນແຕ່ງດອງໃນໂຕກຽວ, ຍີ່ປຸ່ນ ໂດຍປັດສະຈາກການຈັດງານແຕ່ງດອງ ຫຼື ແມ່ນແຕ່ພິທີສະເຫຼີມສະຫຼອງຕາມປະເພນີ ຂະນະທີ່ເຈົ້າຍິງຄົນອື່ນໆຂອງຍີ່ປຸ່ນທີ່ແຕ່ງດອງກັບສາມັນຊົນ ແມ່ນຈະອອກຈາກວັງໄປໃຊ້ຊີວິດບ່ອນອື່ນ, ແຕ່ ມາໂກະ ເປັນຄົນທຳອິດທີ່ສະແດງທ່າທີຕອບໂຕ້ໃນທີ່ສາທາລະນະ ລວມທັງສື່ໂຊຊຽວມີເດຍ ແລະໜັງສືພິມທ້ອງຖິ່ນ.
ເຖິງແມ່ນວ່າ ປະເທດຍີ່ປຸ່ນຈະເບິ່ງຄືວ່າ ມີຄວາມທັນສະໄໝໃນຫຼາຍດ້ານ ແຕ່ຄ່ານິຍົມກ່ຽວກັບຄວາມສຳພັນໃນຄອບຄົວ ແລະສະຖານະພາບຂອງແມ່ຍິງ ຍັງມີລັກສະນະເກົ່າແກ່ ແລະມີຮາກຖານການປະຕິບັດກ່ຽວກັບລະບົບສັກດີນາ.
ຂໍ້ມູນຈາກ: ເວັບໄຊ Yahoo