ພິທີມອບ-ຮັບ ໂຄງການຊ່ວຍເຫຼືອໂຮງໝໍມະໂຫສົດ ໄລຍະທີ 1

0
1479

ພິທີມອບ-ຮັບ ໂຄງການ ຊ່ວຍເຫຼືອໂຮງໝໍມະໂຫສົດ, ກະຊວງສາທາລະນະສຸກ ແຫ່ງ ສປປ ລາວ ໄລຍະທີ 1.

ໃນຕອນເຊົ້າ ວັນທີ 11 ພະຈິກ 2021 ນີ້, ໄດ້ມີພິທີ ພິທີມອບ-ຮັບ ໂຄງການ ຊ່ວຍເຫຼືອໂຮງໝໍມະໂຫສົດ, ກະຊວງສາທາລະນະສຸກ ແຫ່ງ ສປປ ລາວ ໄລຍະທີ 1 ເຊິ່ງເປັນການຊ່ວຍເຫຼືອຫຼ້າຈາກລັດຖະບານ ສປ ຈີນ, ໂດຍເປັນກຽດເຂົ້າຮ່ວມ ຂອງທ່ານ ຈຽນ ຈາຍຕົງ Jiang Zaidong, ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງສາທາລະນະລັດ ປະຊາຊົນຈີນ ປະຈຳລາວ, ທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ, ພ້ອມດ້ວຍແຂກທີ່ກ່ຽວຂ້ອງທັງສອງຝ່າຍ.

ໂຄງການກໍ່ສ້າງໂຮງໝໍມະໂຫສົດ ມີມູນຄ່າການກໍ່ສ້າງທັງໝົດ 592 ກວ່າລ້ານ ຢວນ, ເຊິ່ງແບ່ງອອກເປັນ 2 ໄລຍະ ຄື:

ໄລຍະທີ 1 ໄດ້ເລີ່ມລົງມືກໍ່ສ້າງມາ ແຕ່ເດືອນພະຈິກ ປີ 2018 ລວມມີ ການກໍ່ສ້າງພາກສ່ວນໃຕ້ດິນ, ອາຄານນອນຄົນເຈັບ 8 ຊັ້ນ ແລະ ອາຄານຊຶມເຊື້ອ 4 ຊັ້ນ.

ສຳລັບໄລຍະທີ 2 ມີຕຶກອາຄານ 5 ຊັ້ນ ແລະ 4 ຊັ້ນ, ຄາດວ່າຈະສ້າງສໍາເລັດໃນທ້າຍປີ 2022 ນີ້, ປະກອບມີທັງໝົດ 600 ຕຽງ.

ສາມາດວົ້າໄດ້ວ່າໂຮງໝໍມະໂຫສົດ ຈະເປັນໂຮງໝໍພາກລັດທີ່ໃຫຍ່ທີ່ສຸດ ໃນ ສປປ ລາວ ທີ່ປະກອບໄປດ້ວຍຄວາມທັນສະໄໝ ພ້ອມທັງປະຢັດພະລັງງານ.