ໃນວັນທີ 8 ພະຈິກ 2021 ເວັບໄຊ້ຂອງຕ່າງປະເທດໄດ້ລາຍງານວ່າ: ມີຊາວອິນເດຍເພດຊາຍຫຼາຍກວ່າ 100 ຄົນ ໄດ້ອອກໄປຮ່ວມໃນງານບຸນ “ໂກເຣ ຮັບບາ” (Gore habba) ທີ່ຈັດຂຶ້ນເພື່ອສະເຫຼີມສະຫຼອງເທດສະການທິວາລີ ຫຼື ປີໃໝ່ຂອງຊາວຮິນດູ ໂດຍເທດສະການນີ້ຖືກສືບທອດກັນມາເປັນເວລາຫຼາຍກວ່າ 400 ແລ້ວ.
ໃນງານບຸນນີ້ຖືກຈັດຂຶ້ນເປັນເວລາ 3 ມື້ຕິດຕໍ່ກັນ ນັບຕັ້ງແຕ່ວັນເສົາທີ 6 ພະຈິກ 2021 ເປັນຕົ້ນໄປ ໂດຍການນໍາເອົາຂີ້ງົວມາກອງກັນໄວ້ຢູ່ບໍລິເວນກາງໝູ່ບ້ານ ຈາກນັ້ນຜູ້ຮ່ວມງານແຕ່ລະຄົນກໍຈະອອກມາໂຍນຂີ້ງົວໃສ່ກັນຢ່າງມ່ວນຊື່ນ ຫຼັງຈາກ 1 ຊົ່ວໂມງຜ່ານໄປ ທຸກຄົນຈະແຍກຍ້າຍກັນໄປອາບນໍ້າແລ້ວໄປໄຫວ້ພະທີ່ວິຫານພະສີວະ.
ຊາວອິນເດຍມີຄວາມເຊື່ອວ່າ ຂີ້ງົວເປັນສິ່ງສັກສິດທີ່ຊ່ວຍຮັກສາໂລກໄພ້ໄຂ້ເຈັບຕ່າງໆໄດ້ ເນື່ອງຈາກວ່າງົວເປັນພາຫະນະຂອງພະສີວະ ທີ່ເປັນໜຶ່ງໃນສັດສັກສິດທີ່ປະຊາຊົນເຄົາລົບນັບຖື ທຸກສິ່ງທຸກຢ່າງທີ່ອອກມາຈາກງົວແມ່ນລ້ວນເປັນສິ່ງສັກສິດ ແລະ ບໍລິສຸດ.
ແຫຼ່ງຂ່າວ: Thairath