ເວັບໄຊ້ຕ່າງປະເທດໄດ້ລາຍງານວ່າ: ເກີດເຫດລົດຂົນສົ່ງນໍ້າມັນຕໍາກັບລົດຂົນສົ່ງນໍ້າມັນອີກຄັນໜຶ່ງໃນເມືອງຟຣີທາວ ເມືອງຫຼວງຂອງປະເທດ ເຊຍຣາເລອອນ ເຮັດໃຫ້ນໍ້າມັນຮົ່ວອອກມາຈົນເກີດປະກາຍໄຟ ແລະ ເຮັດໃຫ້ລະເບີດຢ່າງຮຸນແຮງ ຈົນເຮັດໃຫ້ຜູ້ທີ່ຢູ່ໃນບໍລິເວນນັ້ນໄດ້ຮັບບາດເຈັບ ແລະ ລົດທີ່ຢູ່ແຖວນັ້ນໄດ້ຮັບຄວາມເສຍຫາຍຢ່າງໜັກ.
ເຫດການລະເບີດດັ່ງກ່າວເກີດຂຶ້ນຢູ່ບໍລິເວນສີ່ແຍກໜ້າຊຸບເປີມາເກັດ Choithram ໃນເຂດເວລລິງຕັນ ເຊິ່ງເປັນເຂດທີ່ມີປະຊາຊົນອາໄສຢູ່ໜາແໜ້ນ ທາງພາກຕາເວັນອອກຂອງເມືອງຟຣີທາວ ໃນວັນສຸກ ທີ 5 ພະຈິກ 2021 ເວລາປະມານ 22:00 ຕາມເວລາມາດຕະຖານສາກົນ ໂດຍມີຜູ້ເສຍຊີວິດແລ້ວຢ່າງໜ້ອຍ 99 ຄົນ ແລະ ມີຜູ້ໄດ້ຮັບບາດເຈັບອີກຫຼາຍກວ່າ 100 ຄົນທີ່ຖືກສົ່ງໄປຍັງໂຮງໝໍເປັນທີ່ຮຽບຮ້ອຍແລ້ວ.
ທາງດ້ານທ່ານປະທານາທິບໍດີ ໄດ້ເດີນທາງໄປຍັງບ່ອນເກີດເຫດ ແລະ ກ່າວວ່າ “ນີ້ແມ່ນກຫາຍະນະລະດັບຊາດ” ແລະ ທ່ານຍັງບອກວ່າຜູ້ທີ່ໄດ້ຮັບບາດເຈັບຈະໄດ້ຮັບການປິ່ນປົວແບບບໍ່ມີຄ່າໃຊ້ຈ່າຍ.
ແຫຼ່ງຂ່າວ: Thairath