ໃນວັນທີ 3 ພະຈິກ 2021 ທີ່ຜ່ານມາ ເວັບໄຊ້ຂ່າວຕ່າງປະເທດໄດ້ລາຍງານວ່າເກີດເຫດນັກທ່ອງທ່ຽວໄດ້ຕົກຈາກໜ້າຜາທີ່ມີຄວາມສູງ 30 ກວ່າແມັດເສຍຊີວິດ ໃນຂະນະທີ່ກໍາລັງຈັດທ່າຖ່າຍຮູບໃຫ້ຜູ້ເປັນຜົວຖ່າຍຮູບໃຫ້ຢູ່ບໍລິເວນຂອບຂອງໜ້າຜາ ໂດຍທາງຜູ້ເປັນຜົວບອກວ່າທຸກຢ່າງເກີດຂຶ້ນຢ່າງວ່ອງໄວກ່ອນທີ່ເມຍຈະຕົກໜ້າຜາ.
ເຊິ່ງເຫດການດັ່ງງກ່າວເກີດຂຶ້ນໃນຕອນເຊົ້າຂອງວັນທີ 2 ພະຈິກ 2021 ທີ່ຜ່ານມາ ໄດ້ມີຄູ່ຮັກຊາວເບລຢ້ຽມເດີນທາງຂຶ້ນໄປເທິງພູໃນປະເທດລຸກຊໍາບວກ ແລະ ໄດ້ແວ່ຖ່າຍຮູບກັບບໍລິເວນໜ້າຜາ ເຖິງຢ່າງໃດກໍຕາມຜູ້ເປັນເມຍໄດ້ບອກໃຫ້ຜົວຫັນໄປເບິ່ງໝາກ່ອນທີ່ຕົວເອງຈະໝື່ນ ແລະ ຕົກໜ້າຜາລົງໄປແມ່ນໍ້າທີ່ຢູ່ດ້ານລຸ່ມ.
ຫຼັງຈາກນັ້ນທີມເຈົ້າໜ້າທີ່ຕໍາຫຼວດ, ເຈົ້າໜ້າທີ່ດັບເພີງ ແລະ ນັກດໍານໍ້າໄດ້ມາທີ່ບ່ອນເກີດເຫດເພື່ອໃຫ້ຄວາມຊ່ວຍເຫຼືອ, ທາງດ້ານໜ່ວຍກູ້ໄພໄດ້ຊີ້ໃຫ້ເຫັນວ່າຈຸດທີ່ຜູ້ເສຍຊີວິດຕົກລົງໄປນັ້ນມີຄວາມສູງຢ່າງໜ້ອຍ 30 ແມັດ.
ແຫຼ່ງຂ່າວ: nypost