ຊາຍອິນເດຍ ເຮັດໃຫ້ພີ່ນ້ອງ ແລະ ໝູ່ເພື່ອນຕົກຕະລືງ ຫຼັງຈາກທີ່ຍອມໃຫ້ພັນລະຍາທີ່ແຕ່ງງານກັນຢູ່ກິນມາ 5 ເດືອນ ໄປແຕ່ງງານກັບຄົນຮັກເກົ່າຂອງລາວ ພ້ອມຍັງຊ່ວຍຈັດພິທີໃຫ້.
ຊາຍຄົນນີ້ ມີຊື່ວ່າ ປັນຈັນ ຊາມາ ເປັນພະນັກງານບັນຊີຢູ່ບໍລິສັດເອກະຊົນ ໃນເມືອງ ຄຸຮຸຄາມ ລັດອຸຕະລະປະເທດ, ອິນເດຍ ເຊິ່ງລາວ ແລະ ໂກມານ (ພັນລະຍາ) ແຕ່ງດອງກັນເມື່ອເດືອນພຶດສະພາທີ່ຜ່ານມາ ໂດຍເປັນການແຕ່ງດອງແບບບັງຄັບ ແລ້ວແຕ່ຄອບຄົວ.
ທັງສອງຢູ່ນຳກັນມາ 5 ເດືອນ ໂດຍບໍ່ໄດ້ມີຄວາມສຳພັນເລິກເຊິ່ງຕໍ່ກັນ ແລະ ຜູ້ເປັນພັນລະຍາກໍບໍ່ຍອມເວົ້ານຳໃຜຢູ່ບ້ານເລີຍ.
ປັນຈັນ ກ່າວວ່າ: ພັນລະຍາ ບໍ່ຍອມມີຫຍັງກັບຂ້ອຍ ແລະ ບໍ່ເວົ້ານຳໃຜເລີຍ ຂ້ອຍເລີຍຄ່ອຍຖາມວ່າ ມີບັນຫາຫຍັງບໍ່ ລາວຈິ່ງຍອມຮັບວ່າ ລາວຢາກແຕ່ງງານກັບແຟນເກົ່າລາວ.
ຫຼັງຈາກຮູ້ແນວນັ້ນ ແທນທີ່ລາວຈະໃຈຮ້າຍ ແຕ່ຜູ້ເປັນສາມີກໍສະແດງຄວາມຍິນດີ ພ້ອມໄປບອກກັບຄອບຄົວ ແລະ ພີ່ນ້ອງ ແລະ ຕິດຕໍ່ໄປຍັງສຳນັກງານທີ່ກ່ຽວຂ້ອງໃຫ້ມາຊ່ວຍໄກ່ເກຍເລື່ອງນີ້.
ສື່ທ້ອງຖິ່ນລາຍງານວ່າ: ປັນຈັນ ຍອມໃຫ້ພັນລະຍາໄປແຕ່ງງານກັບຄົນຮັກເກົ່າ ແຖມຍັງຊ່ວຍທັງສອງວ່າງແຜນຈັດງານແຕ່ງດອງ.
ແຫຼ່ງຂ່າວ: odditycentral