ໃນວັນທີ 1 ພະຈິກ 2021 ທີ່ຜ່ານມາ ເວັບໄຊ້ຂ່າວຕ່າງປະເທດໄດ້ລາຍງານເຖິງຈໍານວນຜູ້ເສຍຊີວິດຈາກການຕິດເຊື້ອພະຍາດໂຄວິດ-19 ໃນທົ່ວໂລກຕອນນີ້ແມ່ນສູງເຖິງ 5 ລ້ານຄົນແລ້ວ ພາຍໃນໄລຍະເວລາສອງປີທີ່ເລີ່ມມີການລະບາດ
ແລະ ວັກຊີນທີ່ຜະລິດຂຶ້ນມາແມ່ນສາມາດຊ່ວຍໃຫ້ຕົວເລກຂອງຜູ້ເສຍຊີວິດຫຼຸດລົງໄດ້ຢ່າງຊັດເຈນ ແຕ່ເຖິງຢ່າງໃດກໍຕາມ ປັດຈຸບັນມີຜູ້ເສຍຊີວິດຈາກການຕິດເຊື້ອໂຄວິດ-19 ຫຼາຍພັນຄົນຕໍ່ມື້ ແລະ ຍັງມີຄົນອີກຫຼາຍກວ່າພັນລ້ານຄົນທີ່ຍັງບໍ່ທັນໄດ້ຮັບການສັກວັກຊີນ ເຊິ່ງມີທັງຜູ້ທີ່ບໍ່ສາມາດເຂົ້າເຖິງວັກຊີນໄດ້ ແລະ ຜູ້ທີ່ປະຕິເສດບໍ່ຮັບການສັກວັກຊີນ ເຮັດໃຫ້ພວກເຂົາມີຄວາມສ່ຽງໃນການເສຍຊີວິດສູງຖ້າຫາກເກີດມີການຕິດເຊື້ອ.
ສໍາລັບອັດຕາສ່ວນຂອງຜູ້ເສຍຊີວິດຈາກພະຍາດໂຄວິດ-19 ສາມາດແບ່ງອອກເປັນ 5 ອັນດັບທໍາອິດ ໂດຍແຍກຕາມປະເທດມີຄື:
- ສະຫະລັດອາເມລິກາ 14%
- ລັດເຊຍ 10%
- ອິນໂດເນເຊຍ 8%
- ບຣາຊິວ 8%
- ເມັກຊິໂກ 5%
ສ່ວນປະເທດອື່ນໆມີອັດຕາສ່ວນລວມກັນຢູ່ທີ່ 55% ແລະ ຕອນນີ້ຫຼາຍປະເທດກໍເລີ່ມມີການເປີດການເດີນທາງເຂົ້າປະເທດຫຼາຍຂຶ້ນ ເຊິ່ງເປັນຄວາມທ້າທາຍອີກຢ່າງໜຶ່ງທີ່ຈະເປັນໂຕທົດສອບວ່າພູມຄຸ້ມກັນຫຼັງຈາກທີ່ສັກວັກຊີນຈະສົ່ງຜົນເຮັດໃຫ້ມີການຕິດເຊື້ອແລ້ວເສຍຊີວິດເພີ່ມຂຶ້ນຫຼືບໍ່.
ແຫຼ່ງຂ່າວ: WorkpointTODAY