ເວັບໄຊ NY1 ລາຍງານ: ຍິງໄວ 39 ປີຜູ້ຕ້ອງຫາພະຍາຍາມຂ້າຊ່າງທາສີຄອນໂດຊາວມຽນມາ ດ້ວຍການຕັດເຊືອກຄ້ອງທີ່ກຳລັງຫ້ອຍຕົວຢູ່ຊັ້ນທີ 32 ຂອງອາຄານ, ໄດ້ເຂົ້າມອບຕົວກັບເຈົ້າໜ້າທີ່ໃນວັນ 27 ຕຸລາ ອ້າງໃຈຮ້າຍທີ່ບໍ່ມີການບອກກ່າວລ່ວງໜ້າ ພ້ອມຍອມຮັບວ່າເປັນຄົນຕັດເຊືອກແທ້ ແຕ່ບໍ່ໄດ້ເຈຕະນາຄາຕະກຳ.
ເຫດການລະທຶກຂວັນເກີດຂຶ້ນໃນວັນທີ 12 ຕຸລາຜ່ານມາ ທີ່ຄອນໂດມີນຽມແຫ່ງໜຶ່ງໃນກຸງເທບ, ປະເທດໄທ ເບື້ອງຕົ້ນຜູ້ຕ້ອງຫາປະຕິເສດຂໍ້ກ່າວຫາທຸກຢ່າງ ສຸດທ້າຍກໍຈຳຕ້ອງຍອມຈຳນົນເນື່ອງຈາກເຈົ້າໜ້າທີ່ຕຳຫຼວດມີຂໍ້ມູນຫຼັກຖານໜາແໜ້ນເພື່ອມັດຕົວຜູ້ກ່ຽວຈົນຍອມສາລະພາບຄວາມຈິງ ແຕ່ກໍຍັງຢືນຢັນຄຳເກົ່າ “ບໍ່ໄດ້ເຈຕະນາຂ້າ”.
ເຈົ້າໜ້າທີ່ກ່າວວ່າ: ຜູ້ຕ້ອງສົງໄສລາຍນີ້ໄດ້ຮັບການປ່ອຍຕົວຊົ່ວຄາວ ຂະນະທີ່ຕຳຫຼວດຈະຍື່ນຟ້ອງຕໍ່ສານຂັ້ນແຂວງພາຍໃນ 15 ວັນ ແລະຜູ້ຕ້ອງສົງໄສລາຍນີ້ອາດຈະຖືກຕັດສິນຈຳຄຸກສູງສຸດ 20 ປີ ຫາກສານພິຈາລະນາວ່າມີຄວາມຜິດຖານພະຍາຍາມຄາຕະກຳບຸກຄົນອື່ນ.