ແຫຼ່ງຂ່າວ Reuters ລາຍງານ: ທ່ານ ໂຈ ໄບເດນ, ປະທານາທິບໍດີສະຫະລັດເຂົ້າຮ່ວມກອງປະຊຸມສຸດຍອດອາຊຽນເຊິ່ງຈັດຂຶ້ນແບບອອນລາຍຢ່າງເປັນທາງການໃນມື້ນີ້ ຖືເປັນຄັ້ງທຳອິດໃນຮອບ 4 ປີ ທີ່ວໍຊິງຕັນຈະມີສ່ວນຮ່ວມໃນອາຊຽນ.
ສະຖານເອກອັກຄະລັດຖະທູດສະຫະລັດປະຈຳບຣູໄນ ເປີດເຜີຍວ່າ ປະທານາທິບໍດີ ໄບເດນ ຈະນຳທີມຄະນະຜູ້ແທນຈາກສະຫະລັດເຂົ້າຮ່ວມກອງປະຊຸມສຸດຍອດອາຊຽນທີ່ຈັດຂຶ້ນໃນອາທິດນີ້ ຂະນະທີ່ຜູ້ນຳສະຫະລັດເຄີຍເຂົ້າຮ່ວມກອງປະຊຸມສຸດຍອດດັ່ງກ່າວຄັ້ງສຸດທ້າຍເມື່ອປີ 2017 ເຊິ່ງອະດີດປະທານາທິບໍດີ ໂດນັລ ທຣັມ ໄດ້ເດີນທາງໄປຮ່ວມກອງປະຊຸມສຸດຍອດອາຊຽນ ທີ່ຈັດຂຶ້ນຢູ່ນະຄອນຫຼວງມະນີລາ, ປະເທດຟີລິບປິນ.
ແນວໃດກໍຕາມ, ລາຍງານດັ່ງກ່າວບໍ່ໄດ້ເວົ້າເຖິງຈຸດປະສົງໃດໆຂອງປະທານາທິບໍດີສະຫະລັດຄົນປັດຈຸບັນ ກ່ຽວກັບການຄືນສູ່ໂຕະເຈລະຈາຮ່ວມມືໃນລະດັບພາກພື້ນອາຊຽນ.