ນາຊາຖະແຫລງເດີນໜ້າສົ່ງສະບຽງໄປສະຖານີອາວະກາດຕໍ່ ຫລັງຮຽນຮູ້ຂໍ້ບົກຜ່ອງຈາກປະຕິບັດການລົ້ມເຫລວ
ຈົນເກີດເຫດຈະຫລວດສົ່ງສະບຽງລະເບີດ.
ສຳນັກຂ່າວຕ່າງປະເທດ ລາຍງານວ່າ ຖະແຫລງການຈາກ ທ່ານ ວິນລຽມ ເຢີສະເຕນແມ ຜູ້ບໍລິຫານ ແລະ ອຳນວຍ
ການປະຕິບັດການສຳຫລວດຂອງນາຊາ ເຖິງເຫດການລະເບີດຂອງຍານສົ່ງສະບຽງອາຫານ ແລະ ອຸປະກອນທີ່ຈຳ
ເປັນໄປຍັງສະຖານີອາວະກາດໃນຄັ້ງທຳອິດ ທີ່ປ່ອຍໂຕອອກຈາກຖານ ເຊິ່ງເຫດເກີດຂຶ້ນເມື່ອເວລາ 18:22 ໂມງ
ຕາມເວລາໃນທ້ອງຖິ່ນຂອງສະຫະລັດ ໃນວັນທີ 28 ຕຸລາ ທີ່ຜ່ານມາ.
ໂດຍຂໍ້ຄວາມຖະແຫລງໄດ້ລະບຸວ່າ ອົງການນາຊາ ຜິດຫວັງຕໍ່ປະຕິບັດການທີ່ບໍ່ສະສົບຜົນສຳເລັດໃນຄັ້ງດັ່ງກ່າວນີ້
ແຕ່ກໍຍັງຄົງເດີນໜ້າພາລະກິດຂົນສົ່ງສະບຽງອາຫານ ແລະ ສິ່ງຂອງທີ່ຈຳເປັນ ໄປຍັງສະຖານີອາວະກາດຕໍ່ໄປ ຫລັງ
ຈາກປັນຫາຄວາມລົ້ມເຫລວໃນຄັ້ງທີ່ຜ່ານມາ. ທັງນີ້ ຄວາມຜິດພາດທີ່ເກີດຂຶ້ນ ຈະບໍ່ມີຜົນກະທົບຕໍ່ນັກບິນອາວະ
ກາດທີ່ກຳລັງປະຕິບັດໜ້າທີ່ຢູ່ສະຖານີອາວະກາດແຕ່ຢ່າງໃດ.
ຢ່າງໃດກໍຕາມ ການຂົນສົ່ງສິ່ງຂອງໄປຍັງສະຖານີອາວະກາດ ຫາກໍເປັນພາລະກິດທຳອິດສຳລັບປີນີ້ ແລະ ພວກເຂົາ
ຕ່າງກໍຕ້ອງການໃຫ້ປະຕິບັດການລຸລ່ວງໄປດ້ວຍດີ ແລະ ຍັງລະບຸອີກດ້ວຍວ່າ ຄວາມລົ້ມເຫລວໃນຄັ້ງນີ້ ບໍ່ໄດ້ເປັນ
ອຸປະສັກຕໍ່ການພັດທະນາຂີດຄວາມສາມາດຂອງນາຊາ ທີ່ຈະສົ່ງຍານໄປຍັງສະຖານີອາວະກີດອີກດ້ວຍ.