spot_img
Homeຄວາມງາມ8 ວິທີບອກລາ ມືດ້ານ

8 ວິທີບອກລາ ມືດ້ານ

Published on

Woman's hands

ສາວໆຫລາຍ​ຄົນ ທຸກ​ມື້​ນີ້​ອາດຈະ​ມົວ​ແຕ່​ໃສ່​ໃຈ​ກັບ​ເສື້ອ​ຜ້າ​ໜ້າ​ຜົມ ຈົນ​ລືມ​ອະໄວຍະວະ​ ບາງ​ສ່ວນ​ທີ່​ສຳຄັນ​ບໍ່​ພ່າຍແພ້​ກັນ​ກໍ​ຄື​ມື​ນັ້ນ​ເອງ ເຖິງ​ໜ້າ​ຈະ​ຂາດ​ສິວ ແລະ ​ຜົມ​ຈະ​ເງົາ​ງາມ​ມີ​ນ້ຳ​ໜັກ​ຂະໜາດ​ໃດ​ ແຕ່​ຫາກ​ບໍ່​ເບິ່ງແຍງ​ມື​ຕົນ​ເອງ​ຈົນ​ຜິວ​ຫ່ຽວ​ແຫ້ງ ແລະ   ​ມື​ ​ກໍຕາຍ​ຕອນ​ຈົບ​ໄດ້​ເລີຍ ບາງ​ຄົນ​ຈົນ​ກັບ​ບໍ່​ກ້າ​ຈັບມື​ກັບ​ໃຜ​ເລີຍ​ ດັ່ງ​ນັ້ນ​ສາວໆ     ທັງ​ຫລາຍ​ຢ່າ​ເບິ່ງ​ຂ້າມ​ມື​ຂອງ​ເຮົາ​ທີ່​ຕ້ອງ​ໃຊ້​ເຮັດວຽກ​ຢ່າງ​ໜັກ​ໄປ​ຕະຫລອດ​ຊີ​ວິດ

ເຖິງ​ອາ​ກາດ​ເຮືອນ​ເຮົາ​ຈະ​ບໍ່​ແຫ້ງ​ບໍ່​ໜາວ ອັນ​ເປັນ​ເຫດຜົນ​ສຳຄັນ​ຂອງ​ການ​ແກ່​ກ່ອນ​ໄວ​ຂອງ​ຜິວ​ລວມ​ທັງ​ມື​ແລ້ວ ແຕ່​ຫລາຍໆ ຄົນ​ຕ້ອງ​ນັ່ງ​ເຮັດວຽກ​ໃນ​ຫ້ອງການ​ທີ່​ອາ​ກາດ​ເຢັນ​ຈົນ​ເກີນ​ໄປ​ຢູ່​ສະເໝີ ເຊິ່ງ​ບໍ່​ດີ​ ຫລາຍ​ຄົນ​ອາດຈະ​ເກີດ​ມາ​ມີ​ມື​ທີ່​ອວບ​​ເບິ່ງ​ມີ​ເນື້ອ​ມີ​ໜັງ ບໍ່​ເຫັນ​ກະດູກ ເລັບ​ງາມ​ນິ້ວ​ສ້ວຍ​ຍາວ​ກໍ​ຖື​ເປັນ​ໂຊກ​ ສ່ວນ​ສາວໆ ທີ່​ບໍ່​ໄດ້​ເປັນ​ຢ່າງ​ນັ້ນ​ກໍ​ບໍ່​ຕ້ອງ​ນ້ອຍ​ໃຈ​ໄປ ເຮົາ​ສາມາດ​ເບິ່ງແຍງ​ມື​ເຮົາ​ເອງ​ໃຫ້​ອວບ​​ບໍ່​ຫ່ຽວ​ແຫ້ງ​ໄດ້​ແນ່ນອນ​ຖ້າ​ເຮົາ​ໃສ່​ໃນ​ການ​ເບິ່ງແຍງ

8 ວິທີ​ບຳ​ລຸງ​ຜິວ​ມື ບໍ່​ໃຫ້ ມື​ດ້າ

  1. ປະສົມ​ນ້ຳ​ຕານ ເບ​ບີ​ອອຍ ແລະ ​ສະ​ບູ່​ແຫລວ​ຢ່າງ​ 2 ບ່ວງແລ້ວ​ນຳ​ນ້ຳ​ຕານ​ແລະ ​ເບ​ບີ​ອອຍ ມາ​ເທ​ໃສ່​ມື​ປະສົມ​ກັນ ແລ້ວ​ຖູ​ມື​ໄປ​ມາ​ຄືເວລາ​ຖູສະ​ບູ​ລ້າງ​ປົກກະຕິ​ນັ້ນ​ແຫລະ ໃຫ້​ເຮັດ​ເຊັ່ນ​ນີ້​ປະ​ມານ 5 ນາ​ທີ​ເປັນ​ຢ່າງ​ນ້ອຍ ຈາກ​ນັ້ນ​ໃຊ້​ສະ​ບູ່​ເຫລວ​ລ້າງ​ມື​ ອີ​ກເທື່ອໜຶ່ງ​ໃຫ້​ສະ​ອາດ ມື​ຈະນຽນນຸ້ມ​ຂຶ້ນ​ຢ່າງ​ເຫັນ​ໄດ້​ຊັດເຈນ
  2. ປະສົມ​ນ້ຳ​ຕານ ນ້ຳ​ມະ​ນາວ ແລະ ຄີມ​ສົດ​ຢ່າງ​ລະ 1 ບ່ວງເຂົ້າ​ນຳກັນ ​ແລະ​ນວດ​ຝ່າ​ມື​ໄປ​ເລື່ອຍ​ໆ ຈົນ​ນ້ຳ​ຕານ​ລະ​ລາຍ​ຈົນໝົດ
  3. ປະສົມ​ນົມ​ສົດ​ແບບ​ທຳມະດາ​ບໍ່​ຕ້ອງ low ​ fatອຸ່ນໆ​ຈັກ​ເຄິ່ງ​ຖ້ວຍ​ ກັບ ​ນ້ຳ​ຕານ​ແລະ ​ໂຢເກີດທໍາມະຊາດ ​ 2 ບ່ວງ ແລະ ​ນ້ຳ​ມັນ​ກິ່ນ​ ລາ​ເວນ​ເດີ 2 -3 ຢອດ ​ໃຫ້​ເຂົ້າ​ກັນ​ດີ​ໃສ່​ໃນ​ຊາມ ຈາກ​ນັ້ນ​ແຊ່​ມື​ໃນ​ສ່ວນ​ປະສົມ​ປະ​ມານ 7 ນາ​ທີ ພ້ອມ​ນວດ​ມື​ໄປ​ນໍາ​ໃນ​ໂຕແລ້ວ​ຈຶ່ງ​ລ້າງ​ອອກ​ໃຫ້​ສະ​ອາດ
  4. ຖ້າ​ມື້​ໃດ ມື​ເຮັດວຽກ​ທີ່​ໜັກໆເຊັ່ນ ​ເຮັດ​ສວນ​ຫລັງ​ເຮືອນ ຫລື​ ລ້າງ​ລົດ​ເປັນ​ຕົ້ນ ຫລັງ​ຈາກ​ເຮັດວຽກ​ສຳເລັດ​ຮຽບຮ້ອຍ​ແລ້ວ​ໃຫ້​ ເທ​ເກືອ​ໃສ່​ຝ່າ ມື​ເບື້ອງໜຶ່ງ ​ແລະ ​ນ້ຳ​ມັນ​ໝາກກອກ ໃສ່​ມື​ອີກ​ເບື້ອງ​ໜຶ່ງ​ແລ້ວຖູເຂົ້າກັນ​ປະ​ມານ 7 ນາ​ທີ​ແລ້ວ​ຈຶ່ງ​ລ້າງ​ອອກ​ດ້ວຍ​ນ້ຳ​ອຸ່ນ​ໃຫ້​ສະ​ອາດ (ຕ້ອງ​ເປັນ​ນ້ຳ​ອຸ່ນ​ກຳ​ລັງ​ພໍ​ດີໆ ບໍ່​ເອົາ​ແບບ​ຮ້ອນ​ຈົນ​ເກີນ​ໄປ ເພາະ​ກັບ​ຈະ​ເຮັດໃຫ້​ມື​ແຫ້ງ​ຂາດ​ຄວາມ​ຊຸ່ມ​ຊື່ນ​ຫລາຍກວ່າ​ເດີມ) ຕໍ່​ມາ​ໃຫ້​ໃສ່ຖົງ​ມື​ຜ້າ​ຝ້າຍ ເພື່ອ​ເກັບ​ຄວາມ​ຊຸ່ມ​ຊື່ນ ຈະ​ໃສ່​ຖົງ​ມື​ໄວ້​ຕະຫລອດ​ຄືນ​ເລີຍ​ກໍ​ໄດ້
  5. ໃຊ້​ເກືອ 1 ບ່ວງ ​ແລະ ​ນ້ຳ​ໝາກ​ນາວ 2 ບ່ວງ ປະສົມ​ກັນ​ແລ້ວ​ຖູ​ມື​ຄ່ອຍໆ​ຫລື​ໃຊ້​ແປງ​ສີ​ແຂ້ວ​ທີ່​ບໍ່​ໃຊ້​ແລ້ວ​ຂັດ​ເບົາໆ ກໍ​ໄດ້​ເພື່ອ​ກຳຈັດ​ເຊລ​ຜິວ​ທີ່​ຕາຍ​ແລ້ວ​ອອກ​ໄປ ທັງ​ນີ້​ບໍ່​ຄວນ​ເຮັດ​ເກີນ​ອາທິດ​ລະ​ເທື່ອ ແຕ່​ສູດ​ນີ້​ຈະໃຫ້​ໃຫ້​ມື​ຂອງ​ເຈົ້າ​ນຸ້ມ​ຂຶ້ນ ແລະ​ ເຮັດໃຫ້​ສີ​ຜິວ​ເທົ່າ​ກັນ​ສະ​ໝ່ຳ​ສະເໝີ​ກັນ​ ແຕ່​ຖ້າ​ຫາກ​ມື​ມີ​ບາດແຜ​ຢູ່​ຍັງ​ບໍ່​ຄວນ​ເຮັດ
  6. ສຳລັບ​ມື​ທີ່​ແຕກ​ແຫ້ງ ​ແລະ ​ຫ່ຽວ​​ຫລາຍໆໃຫ້​ນຳ​ເຂົ້າ​ໂອດ​ດິບ 1 ຖ້ວຍ​ໄປ​ປັ່ນ​ຈົນ​ເປັນ​ຜົງ​ສຳເລັດ​ແລ້ວ​ເທ​ໃສ່​ຊາມ​ລ້າງ​ມື​ລົງ​ໄປ​ຖູ​ໃນ​ແປ້ງ​ເບົາໆ ຈົນ​ທົ່ວ ວິທີ​ນີ້​ຈະ​ເຮັດໃຫ້​ຜິວ​ທີ່​ແຫ້ງ​ແຕກ​ ແລະ ​ລອກ​ນັ້ນ​ຫລຸດ​ອອກ​ໄປ​ ລ້າງ​ດ້ວຍ​ນ້ຳ​ເຢັນ​ ແລະ ​ທາ​ໂລ​ຊັ່ນ​ສຳລັບ​ທາ​ມື
  7. ສາວໆ ຄົນ​ໃດ​ຕ້ອງ​ລ້າງ​ຈານ​ເລື້ອຍໆ ເປັນ​ປະຈຳ​ມື​ຈະ​ຫຍາບວິທີ​ປ້ອງ​ກັນ​ໃຫ້​ປະສົມ​ນ້ຳ​ມັນ​ເມັດ​ ອັລ​ມອນ ​​ໃນ​ນ້ຳ​ທີ່​ໃຊ້​ລ້າງ​ຈານ​ໜ້ອຍໜຶ່ງ ນ້ຳ​ຈະ​ເຮັດໃຫ້​ມື​ອ່ອນ​ຂຶ້ນ ສ່ວນ​ປະສົມ​ນ້ຳ​ມັນ​ ເມັດອັລ​ມອນ ​ຈະ​ເຮັດ​ຫນ້າທີ່​ ລອກ​​ຄວາມ​ຊຸ່ມ​ຊື່ນ​ເອົາ​ໄວ້ ນອກ​ຈາກ​ນີ້ ​ເທ​ນ້ຳ​ສົ້ມ​ສາຍ​ຊູ ​ເທິງ​ມື​ຫລັງ​ຈາກ​ລ້າງ​ຈານ​ສຳເລັດ​ແລ້ວ​ ​ຊ່ວຍ​ໄດ້​ລະ​ດັບໜຶ່ງ​ເຊັ່ນ​ກັນ ແຕ່​ທັງ​ນີ້​ທັງ​ນັ້ນ​ການ​ປ້ອງ​ກັນ​ທີ່​ໄດ້​ຜົນທີ່ສຸດ​​ຄື​ການ​ໃຫ້​ຖົງ​ມື​ລ້າງ​ຈານ ບາງ​ຄົນ​ອາດ​ບໍ່​ເລິ້ງ​ແຕ່​ເພື່ອ​ຖະ​ໜອມ​ມື​ແລ້ວ​ ກໍ​ຄວນ​ໃຊ້​ຖົງ​ມື​ຫລາຍກວ່າ ທັງ​ຍັງ​ເປັນ​ການ​ຫລີກ​ລ້ຽງ​ການ​ສຳ​ຜັດ​ສານ​ເຄ​ມີ​ຈາກ​ນ້ຳ​ຢາ​ລ້າງ​ຈານ​ນໍາອີກ
  8. ວິທີ​ງ່າຍໆ​ທີ່​ເຮັດ​ກັນ​ຕະຫລອດ​ເວລາ ​ແລະ ​ບໍ່​ຫຍຸ້ງຍາກ​ກໍ​ຄືການ​ທາ​ໂລ​ຊັນ​ຫລື​ຄີມ​ທາ​ມື​ເລື້ອຍໆ ເປັນ​ປະຈຳ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...