spot_img
Homeຂ່າວຕ່າງປະເທດຟູມິໂອະ ຄິຊິດະ ເຂົ້າຮັບຕຳແໜ່ງນາຍົກລັດຖະມົນຕີຄົນໃໝ່ຂອງຍີ່ປຸ່ນ

ຟູມິໂອະ ຄິຊິດະ ເຂົ້າຮັບຕຳແໜ່ງນາຍົກລັດຖະມົນຕີຄົນໃໝ່ຂອງຍີ່ປຸ່ນ

Published on

ເວັບໄຊ CNN ລາຍງານ: ທ່ານ ຟູມິໂອະ ຄິຊິດະ (Fumio Kishida) ເຂົ້າຮັບຕຳແໜ່ງນາຍົກລັດຖະມົນຕີຄົນໃໝ່ຂອງຍີ່ປຸ່ນ ໃນວັນທີ 4 ຕຸລາ ໂດຍໄດ້ຮັບການມອບໝາຍໜ້າທີ່ຮັບຜິດຊອບໃນການເປັນຜູ້ນຳດ້ານເສດຖະກິດທີ່ໃຫຍ່ສຸດເປັນອັນດັບສາມຂອງໂລກໃນຍຸກການລະບາດຂອງໄວຣັສໂຄໂຣນ່າ.

ນາຍົກລັດຖະມົນຕີຍີ່ປຸ່ນຄົນໃໝ່ ທ່ານ ຄິຊິດະ, ໄວ 64 ປີ ໄດ້ຮັບການເລືອກຕັ້ງເປັນຫົວໜ້າພັກເສລີປະຊາທິປະໄຕ (LDP) ໃນອາທິດຜ່ານມາ ກ່ອນຈະໄດ້ຮັບການເລືອກຕັ້ງເປັນນາຍົກລັດຖະມົນຕີຄົນທີ 100 ຂອງຍີ່ປຸ່ນຢ່າງເປັນທາງການ. ການດຳລົງຕຳແໜ່ງດັ່ງກ່າວຖືເປັນຄວາມທ້າທາຍອັນໃຫຍ່ຫຼວງທີ່ ທ່ານ ຄິຊິດະ ຈະໄດ້ຮັບມື ໂດຍສະເພາະກໍແມ່ນຜົນກະທົບຈາກການລະບາດຂອງພະຍາດໂຄວິດ-19 ທີ່ເພີ່ມຂຶ້ນ, ປັນຫາເສດຖະກິດຖົດຖອຍ, ການເພີ່ມຂຶ້ນຂອງຈຳນວນຜູ້ສູງອາຍຸ, ລວມທັງຄວາມຕຶງຄຽດທີ່ເພີ່ມຂຶ້ນກັບຈີນ.

ທ່ານ ຟູມິໂອະ ຄິຊິດ ເຄີຍດຳລົງຕຳແໜ່ງລັດຖະມົນຕີກະຊວງການຕ່າງປະເທດຂອງຍີ່ປຸ່ນລະຫວ່າງປີ 2012 ຫາ 2017 ພາຍໃຕ້ການນຳຂອງທ່ານອາເບະ, ນາຍົກລັດຖະມົນຕີທີ່ດຳລົງຕຳແໜ່ງຍາວນານທີ່ສຸດຂອງຍີ່ປຸ່ນ.

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...