“ການບໍລິການເຊົ່າແຟນ” ກໍາລັງເປັນກະແສທີ່ໄດ້ຮັບຄວາມນິຍົມຫຼາຍໃນກຸ່ມໄວໜຸ່ມໃນປະເທດຈີນ ໂດຍມີການໃຫ້ບໍລິການເຊົ່າແຟນອອນລາຍ ເຊິ່ງບໍ່ພຽງແຕ່ຕອບສະໜອງຄວາມຕ້ອງການຂອງຄົນໂສດເທົ່ານັ້ນ ແຕ່ຍັງເປັນທີ່ຕ້ອງການໃຫ້ກັບຄົນອື່ນໆທີ່ຕ້ອງການແກ້ບັນຫາເລື່ອງຄອບຄົວ. ຖ້າເຮົາເບິ່ງແບບຜ່ານໆແລ້ວທຸລະກິດນີ້ຄົງຈະບໍ່ມີຜົນກະທົບຫຍັງຫຼາຍເທົ່າທີ່ຄວນ ແຕ່ທາງດ້ານຜູ້ຊ່ຽວຊານຂອງຈີນໄດອອກມາເຕືອນວ່າ ທຸລະກິດດັ່ງກ່າວສາມາດທີ່ເຮັດໃຫ້ເກີດອາດຊະຍາກໍາໄດ້.
ທຸລະກິດເຊົ່າແຟນໃນປະເທດຈີນສາມາດຊອກຫາໄດ້ທົ່ວໄປເຊັ່ນ: ໃນແອັບພິເຄຊັ່ນ Taobao ເຊິ່ງລູກຄ້າສາມາດເຊົ່າແຟນໄດ້ໃນລາຄາ 20 ຢວນ ຫຼື ປະມານ 25,000 ກີບຕໍ່ເຄິ່ງຊົ່ວໂມງ ທາງລູກຄ້າສາມາດເລືອກຄົນທີ່ມັກໄດ້ຕາມໃຈ ແລະ ຍັງສາມາເລືອກສະເປັກທີ່ຕົນເອງມັກໄດ້ອີກດ້ວຍ.
ທາງດ້ານອາຈານວິທະຍາໄລກົດໝາຍໃນນະຄອນຊຽງໄຮ້ໄດ້ໃຫ້ຄໍາແນະນໍາແກ່ຄົນຮຸ່ນໃໝ່ວ່າຄວນມີສະຕິ ແລະ ຫຼີກລ້ຽງເພື່ອບໍ່ໃຫ້ຕົນເອງເຂົ້າໄປຢູ່ໃນສະຖານະການທີ່ສ່ຽງອັນຕະລາຍ ແລະ ທັງນີ້ບັນດາສື່ອອນລາຍທີ່ເປັນສື່ກາງໃນການເຊົ່າແຟນອອນລາຍກໍຄວນມີການກວດກາຢ່າງເຂັ້ມງວດເຊັ່ນກັນ.
ໂດຍການບໍລິການເຊົ່າແຟນ ຫຼື ເຊົ່າໝູ່ແບບລາຍມື້ນັ້ນຈະເປັນຄືກັບສັນຍາຈ້າງທີ່ໄດ້ຮັບຂໍ້ຕົກລົງຂອງທັງສອງຝ່າຍ ໂດຍການເຊົ່າແຟນຈະຕ້ອງເຮັດໜ້າທີ່ເຊັ່ນ: ພາໄປຊື້ເຄື່ອງ ຫຼື ລົມເປັນໝູ່ເພື່ອຜ່ອນຄາຍ ເຊິ່ງອາດຈະເຮັດໃຫ້ໄປສູ່ການກະທໍາທີ່ຜິດກົດໝາຍ ແລະ ເກີດອາດຊະຍາກໍາໄດ້.
ແຫຼ່ງຂ່າວ: Khaosod