ໃນວັນທີ 25 ກັນຍາ 2021 ເຈົ້າໜ້າທີ່ໄດ້ເປີດເຜີຍວ່າ ຈໍານວນຜູ້ເສຍຊີວິດຈາກເຫດການລົດໄຟ Amtrak ຕົກລາງ ມີຈໍານວນບໍ່ຕໍ່າກວ່າ 3 ຄົນ ແລະ ມີຜູ້ໄດ້ຮັບບາດເຈັບຈໍານວນຫຼາຍ.
ເຫດການລົດໄຟຕົກລາງໄດ້ເກີດຂຶ້ນໃນເວລາ 16:00 ຕາມເວລາທ້ອງຖິ່ນຂອງອາເມລິກາ ໃກ້ກັບເມືອງໂຈພິນທີ່ມີປະຊາກອນອາໄສຢູ່ປະມານ 200 ຄົນ ໂດຍໃນຂະບວນລົດໄຟດັ່ງກ່າວມີຜູ້ໂດຍສານປະມານ 146 ຄົນ ແລະ ພະນັກງານລົດໄຟອີກຈໍານວນ 16 ຄົນ.
ທາງດ້ານສໍານັກງານຄະນະກໍາມະການຄວບຄຸມຄວາມປອດໄພຂົນສົ່ງແຫ່ງສະຫະລັດອາເມລິກາໄດ້ສົ່ງເຈົ້າໜ້າທີ່ 14 ຄົນ ລວມເຖິງຜູ້ສືບສວນ ແລະ ຜູ້ຊ່ຽວຊານທາງດ້ານສັນຍາຂອງລະບົບລາງລົດໄຟ ແລະ ດ້ານອື່ນໆເພື່ອກວດສອບ. ຈາກອຸບັດຕິເຫດດັ່ງກ່າວໄດ້ເຮັດໃຫ້ລົດໄຟຂະບວນອື່ນໆທີ່ແລ່ນໃນລາງດຽວກັນຕ້ອງຢຸດແລ່ນຊົ່ວຄາວ.
ແຫຼ່ງຂ່າວ: mgronline